|
|
Бүген кемнәр туган
|
|
Архив
|
01.04.2021 Сәясәт
Рамзан Кадыйров Нобель премиясенә дәгъва итә, диЧечен республикасы башлыгы Рамзан Кадыйровны Нобель премиясенә тәкъдим иткәннәр. Бу хакта Нобель Үзәге президенты Вячеслав Тютюнникка таянып, “Комсомольская правда” хәбәр итә. Аның сүзләренчә, Кадыйровны бу бүләккә “тарихый яктан катлаулы чечен төбәгендә соңгы 15 ел эчендә ышанычлы тынычлык урнаштыруга зур өлеш керткәне өчен” тәкъдим иткәннәр. Тютюнник, заявканы Норвегия вәкилләре тапшыруы ихтимал, ди.
Кадыйров үзен Нобель премиясенә Төньяк Кавказда боевиклар белән көрәш алып баруы өчен лаек дип исәпли. Ул үзен, америкалылардан аермалы буларак, халыкара терроризм белән көрәштә алга киттем дип сөйләгән.
2020 елда Кадыйровны шулай ук халыкара Дөнья премиясенә тәкъдим иткәннәр иде. Анда Пакистанда һәм Бельгиядә эшләүче халыкара компаниясе экспертлары чечен лидерының халыкара һәм конфессиональара мөнәсәбәтләр үсешенә зур өлеш кертүен билгеләп үткән иде.
Чыганак: Lenta.ru
Фото: lbuckshee.com
Әлфия ШАКИРҖАНОВА |
Иң күп укылган
|