Татарстанда 1 млн артык эре мөгезле терлек асрала

Терлекчелек - Россия икътисадының азык-төлек иминлеген тәэмин итә торган мөһим стратегик тармакларының берсе булып тора. Шулай ук җирле халыкны йөзләгән мең эш урыны белән тәэмин итә. Дәүләт статистикасы федераль хезмәте мәгълүматларына караганда, Россия территориясендә 18 миллионнан артык мөгезле эре терлек асрала.

Эре мөгезле терлекләр саны иң күп булган регионнар:
1 нче урын - Татарстан Республикасы (1 011 889 баш)
2 нче урын - Башкортстан Республикасы (975 171 баш)
3 нче урын - Дагыстан Республикасы (960 453 баш).

РОССТАТ барлык категория хуҗалыклар буенча төгәл баш санын хәбәр итә. Мәсәлән,Татарстанның авыл хуҗалыгы оешмаларында 628 890 баш мөгезле эре терлек, халык хуҗалыкларында – 291 045 баш, ә крестьян (фермер) хуҗалыклары һәм шәхси эшмәкәрләрдә – 91 954 баш.

Шунысы игътибарга лаек, Россия Федерациясенең кайбер субъектларында (мәсәлән, Башкортстан, Дагыстан һәм Ростов өлкәсендә) халыкта мөгезле эре терлекләрнең баш саны шушы төбәкләрнең авыл хуҗалыгы оешмаларында, КФХларда һәм шәхси эшмәкәрләрдә бергә алынганга караганда күпкә югарырак.