|
|
Бүген кемнәр туган
|
|
Архив
|
11.03.2021 Җәмгыять
Россиядә блогерларга салым кертергә телиләр
Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы чит ил компанияләрен YouTube кебек платформаларда реклама эшләп керткән табышларына салым түләтергә тәкъдим итә. Әлеге хәл чит ил юридик, шул исәптән Facebook, Instagram, TikTok, Twitter һәм башка платформаларга кагылыр дип көтелә.
Ведомствода мондый чара бюджетка керемнәрнең артуына китерәчәк дип саныйлар. Федераль закон проектын ел уртасына әзерләргә планлаштыралар. Башкаручылар булып Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы, Икътисади үсеш министрлыгы һәм Федераль салым хезмәте билгеләнгән.
BloggerBase тикшеренү компаниясе мәгълүматларына караганда, 2020 елда Русия видеоблогерлары 18 миллиард сумга якын акча эшләгән. Пандемия аркасында контентка сорау тагын да арткан. Ә реклама өчен акча гадәттә блогерларның үз исәбенә күчерелә.
Фото: oka.fm
Эльмира ИБРАҺИМОВА |
Иң күп укылган
|