02.03.2021 Мәдәният

Әлфия Авзалова турында инглиз телендә китап тәкъдим итәләр

Казанда инглиз телендә нәшер ителгән «Alfiya Avzalova» китабын әдәби-музыкаль призентацияләү булачак. 208 биттән торган басма өч өлештән тора. Беренче өлеш – ул җырчының 1995 елда аерым китап булып басылып чыккан истәлекләре; икенче өлеш – иҗат сөючеләрнең истәлекләре; өченче өлеше – фотогалерея (күп кенә фотосурәтләр беренче тапкыр бастырыла).

Әлфия Авзалова иҗатын саклау һәм үстерү фонды хәбәр иткәнчә, нәшер ителгән китапны, халык җырчысының иҗади мирасын саклау һәм үстерү максатларында, уку йортларына бушлай тапшыру планлаштырыла.

Әлфия Авзалова татар халык җырларын башкаруга нигез салучы булып тора. Җырчы беренчеләрдән булып республикада төрле жанр артистлары кергән эстрада ансамблен булдырган һәм үзенең гастроль эшчәнлеген башлаган. Аның «Дөнья халыклары җырлары» дигән концерт программасы популяр булды – Әлфия Авзалова дөньяның төрле телләрендә җырлар башкарган.

Китап Татарстан Республикасы Президенты Рөстәм Миңнеханов тарафыннан расланган җырчы истәлеген мәңгеләштерү программасын гамәлгә ашыру кысаларында Татарстан Республикасы Министрлар Кабинеты, Татарстан Республикасы Мәдәният министрлыгы, Казан Мэриясе, Татарстан Республикасы Президенты каршындагы Мәдәният үсешенә ярдәм фонды ярдәмендә басылып чыкты.

---
Шәһри Казан
№ --- | 02.03.2021

Фикерләр

Илшат

№1 (909975) / 02.03.2021 21:18:19

Инглизчә китап чыгарыр алдыннан башта Әлфия апа Афзалованың татар икәнлеген саклап алып калырга кирәк иде татарга, мескен татарларга. Интернет тулы "Татарзарга йырсы бүк иткән башкорт кызы Әлфиә". Шуны да эшли алмый бит татар, үз уллары, кызларын да саклый алмый. Хөрмәтләү турында әйтәсе дә юк инде. Әнә бит, Илһам ага Шакиров конкурсына 600 мең сум акча бүлгән бичара Татарстан (Рубин, Акбарс кебек гыйфритләргә - миллиардлар), ичмасам бер 5 миллион да түгел.
Уфа арты районнарында атаклырак артист, язучы кебек шәхесләрнең юбилейларын үткәргән вакытта аларның һәрберсенә 15 баш елкы (һәр хуҗалыктан берәр (мин яшәгән районда шундый тридисия иде, юбилей кичәсендә һәр хуҗалык җитәкчесе кулына йөгән тотып чыгып котлый иде юбилярны), район үзәгендәге предрпиятиеләрдән: автомашина, мотосикл, моторлы көймә һ.б. бүләк итәләр иде. Ә Әлфия ападан даны күпкә азрак бер артисткага район Уфадан фатир алып бирде юбилеена.
Татарстанда яши башлагач, нишләп барысының да татарны яратмаганын шундук аңдыйсың. Илһам Шакиров конкурсына 600 мең приз фонды бүлеп биргән халыкны ничек хөрмәт итеп булсын инде.