|
|
Бүген кемнәр туган
|
|
Архив
|
21.02.2021 Җәмгыять
Милли музей Ана теле көненә уникаль күргәзмә тәкъдим итә
Күргәзмә бүген Габдулла Тукай исемендәге Татар дәүләт филармониясендә ачылачак. Ул "Татар сүзе" бәйгесенең гала-концертында тәкъдим ителәчәк. Монда Милли Музей фонданда сакланучы татар теле, тарихы һәм мәдәнияте үсешенә кагылышлы күренекле шәхесләрнең кулъязмалары, фотосурәтләре, шәхси әйберләре, китаплары урын алачак. "Матбугат.ру"га билгеле булганча, күргәзмәгә килүчеләр Шиһабетдин Мәрҗани, Каюм Насыйри, Габдулла Тукай, Фатих Әмирхан, Һади Такташ, Сибгат Хәким, Хәсән Туфан, Муса Җәлил һәм башкаларның мирасы белән таныша алачак. Уникаль экспонатлар арасында Кол Галиның "Кыйсса-и Йосыф" шигыренең XIX гасырда кулдан язылган күчермәсе, 1912 елда басылган татар әлифбасы, Фатыйх Кәрим, Афзал Шамов кулъязмалары бар. Күргәзмәдә барлыгы 83 экспонат тәкъдим ителә.
--- |
Иң күп укылган
|