|
|
Бүген кемнәр туган
|
|
Архив
|
03.02.2021 Медицина
Поликлиникада җәнҗал атыш белән тәмамланганФеодосиядә яшәүче ике ир поликлиникада талашкан. Ахырда җәнҗал атышу белән тәмамланган дип хәбәр итә РЕН ТВ, Кырым буенча Эчке эшләр министрлыгының матбугат хезмәтенә сылтанып. Җәнҗал табибка чират торганда куба. Арытаба конфликт урамда дәвам итә, ирләр сугыша башлый, ахырда сугышучыларның берсе травматик пистолетын чыгара һәм ата башлый.
Телеканал мәгълүматы буенча, кырымлыларга – 40 һәм 46 яшь. Ирләрнең берсе – шәһәр хакимиятендә түрә. Пистолет хуҗасы да ул, диелә канал мәгълүматында.
Җәнҗал нәтиҗәсендә ике ир дә төрле тән җәрәхәтлре алган. Берсенең аскы теш казнасы сынган, икенчесенең ату нәтиҗәсендә йомшак тукымалары зыян күргән. Икесенә дә урында ук медицина ярдәме күрсәтелгән, дәваханәгә озатудан алар баш тартканнар. Полиция тикшерү эше башлаган.
Безнең поликлиникаларда чират тормаган кешегә мондый хәлләр сәер тоеладыр, әлбәттә. Кемдер язылып килгән, ә кемдер “тере чират” буенча тора. Барысы да бер кабинетка, бер табибка. Һәркемнең үз сүзе дөрес. Әлбәттә, йодрык уйнатуга барып җиткән һәм ахырда коралга үрелгән кырымлыларны акламыйм. Тик... поликлиника-дәваханәләрдә йөргәннәргә түземлек бик кирәк шул, килешәсездер бит, дуслар?
Чыганак: Lenta.ru
Фото: rb7.ru
Әлфия ШАКИРҖАНОВА |
Иң күп укылган
|