|
|
Бүген кемнәр туган
|
|
Архив
|
31.01.2021 Шоу-бизнес
"Мин әлегә күңелем белән яшь" - Әсхәт Дөбер-Шатр күкрәгенә үзенчәлекле татуировка ясаткан (ФОТО, ВИДЕО)Артист, тренер, сәламәтләндерү өлкәсендә үз методикасын булдырган белгеч Әсхәт Дөбер-Шатр күкрәк өлешенә үзенчәлекле татуировка ясаткан. Чынны түгел икән үзе, бер ай буе йөри торган вакытлыча татуировка гына. "Матбугат.ру"га билгеле булганча, җырчы әлеге татуировкасы турында журналист Эльза Газизовага болай дип аңлаткан: - Күпләр мине җырчы гына түгел, фитнес-тренер буларак беләләр. Янымда урынлы татуировка ясаткан бик матур гәүдәле кешеләр йөри. Күптәннән татуировка ясатасым килде. Әмма тормыш иптәшем Айгөл моңа каршы иде (елмая). Яңа технологияләр ярдәмендә вакытлыча тату ясатырга мөмкин. Аларны Инстаграмда эзләп таптым да, аралашып киттек. Казанда урнашканнар. Бер сәгать эчендә "Аллам сакласын" дип ясап бирделәр. Эше аның кадәр авыр түгел. Энәләр белән эшләнми ул. Башта эскизын салдылар, аннары махсус буяу белән буядылар. Хна түгел. Шушы буяу белән эшләнгән язу өстенә махсус лента ябыштырдылар. 10 сәгать буе су тидермичә йөргәч, ул лентаны куптарып аласың. Барлыкка килгән нәтиҗә, татуировка белән бер ай буе йөрисең (видеоны карагыз).
Вакытлыча татуировка җәйгә әйбәт. Үзеңне формага китереп, ясатсаң менә дигән. Яшьләрчә. Мин әлегә күңелем белән яшь. Беркемнән дә артта калмыйм (елмая). Үз юнәлешем бар. Нәрсәгә ясаткан инде бу моны дип, тәнкыйтьләргә мөмкиннәр. Мин инде аңа күнектем. Чит кеше фикере барыбер, - дип уртаклаша артист.
Ә сез тәнегезгә "Аллам сакласын" дип язылган татуировка эшләтә алыр идегезме? Бармы монда шундый кыю кешеләр?
--- |
Иң күп укылган
|