|
|
Бүген кемнәр туган
|
|
Архив
|
28.01.2021 Шоу-бизнес
Лариса Гузеева ачлык игълан иткәнРусия актрисасы һәм алып баручысы Лариса Гузеева ачлык игълан иткән. Бу хакта ул үзенең Instagram челтәрендә хәбәр итте. “Дуслар, үткән яшьлекне кайтарып булмый инде, әмма ашаган килограммнарны ташлау мөмкин хәл. Мин ачлыкка киткәм. Мине көтеп алыгыз”, – дип язган Гузеева. Постына ул элек төшкән каралы-аклы фотосурәтен урнаштырган.
Күп язылучылары актрисаны хуплап чыккан, кемнәрдер шулай ук аның белән диетага кушылырга теләвен язган. “Мин сезнең белән!”, “Мин дә спортка”, “Хуплыйбыз”, – дип язганнар алар. Кайсыберләр, яшенә карамастан, Лариса Гузеева һаман матур булып кала дип язганнар.
“Яшьлекне, бәлки, кайтару да мөмкин түгелдер, әмма еллар үтү белән кызыклырак, тәмлерәк һәм сыйфатлырак күренүчеләр бар. Бу Сез”, “Чибәр хатын-кызлар өлкән яшьтә дә чибәр булып кала”, – дип язган алар.
Чыганак: Lenta.ru
Фото: @_larisa_guzeeva_ / Instagram
Әлфия ШАКИРҖАНОВА |
Иң күп укылган
|