|
|
Бүген кемнәр туган
|
|
Архив
|
21.01.2021 Тарих
Татар тарихчысы Булат Солтанбәков вафат92 яшендә Татарстанның танылган тарихчысы Булат Солтанбәков вафат булган. Бу хакта "Матбугат.ру"га тарих фәннәре кандидаты Булат Хәмидуллиннан билгеле булды. «Казан тарихчысы Булат Фәйзрахманович Солтанбәков (18.11.1928 — 20.01.2021) вафат. Урыны оҗмахта булсын», дип хәбәр итә ул.
Булат Фәйзрахман улы Солтанбәков 1928 елның 18 ноябрендә Казанда туган. 1950 елда Казан дәүләт педагогика институтының тарих факультетын тәмамлаган. Ул укытучы, партия хезмәткәре, югары уку йортларында укытучы булып эшли.
1987 елда Татарстанның атказанган мәдәният хезмәткәре исеменә лаек булган, 1995 елда Татарстанның атказанган фән эшлеклесе исемен алган. Ул Татарстанның фән һәм техника өлкәсендәге дәүләт премиясе иясе. Күпләгән медальләре дә бар.
Булат Солтанбәков тарихи хезмәтләр авторы, «Драматические страницы истории Татарстана» (1993), «Сталин и «татарский след» (1994), «Татарстан ХХ век: личности, события, документы» (2003) һәм китаплары бар.
--- |
Иң күп укылган
|