|
|
Бүген кемнәр туган
|
|
Архив
|
28.12.2020 Мәгариф
Яңа елдан соң укучылар мәктәпкә барырмы?Быел көзге каникуллар озакка сузылды. Кышкы каникуллардан соң да шундый хәл булмасмы дигән сорау борчый ата-аналарны. Бу уңайдан, бүген хөкүмәттә үткән оператив киңәшмәдә Башкортстан Башлыгы Радий Хәбиров җавап бирде. Яңа ел каникулларыннан соң, 11 гыйнвардан, бар укучылар да мәктәпкә барыр дип ышанабыз, диде ул.
“Дезинфекция ясарга, медицина инспекторлары эшен оештырырга кирәк. Әмма дистанцион укуны да камилләштерү мөһим, – дип исәпли төбәк җитәкчесе. – Бу авыр ел булды. Мәгариф системасына нык сукты. Барган җирдән дистанцион форматка күчәргә туры килде. Күп нәрсә килеп чыкмады, укытучылар әзер түгел иде. Ләкин өйрәнделәр бит. Без укытуны туктатмадык. Безнең мәктәпләрдә инфекция таралмаган өчен рәхмәт”.
Әмма шул ук вакытта балаларның азрак белем алганлыгын, шунлыктан белем сыйфаты төшүен дә танырга кирәк, дип билгеләде Радий Хәбиров. “Әле куып җитү өчен вакыт бар. Бердәм дәүләт имтиханнары буенча күрсәткечләр югары булырга тиеш – Мәгариф министрлыгы коллективына шундый бурыч куярга тиешсез”, – дип мөрәҗәгать итте ул мәгариф министры Айбулат Хаҗинга.
Чыганак: www.bashinform.ru
Фото: news.myseldon.com
Язгөл САФИНА |
Иң күп укылган
|