|
|
Бүген кемнәр туган
|
|
Архив
|
03.12.2020 Мәгариф
Яңа уку елы 1 октябрьгә күчерелә?Бүген Башкортстан җәмәгатьчеләре шушы мәсьәлә турында фикер алышачак. Анда барлык теләүчеләр катнаша ала. Бүген, 3 декабрьдә, Башкортстан җәмәгатьчеләре “Төп гомуми белем бирү программаларын гамәлгә ашыручы мәгариф оешмаларында уку елы башын 1 октябрьгә күчерү буенча эксперимент үткәрү турында” Федераль закон проекты хакында фикер алышачак. Онлайн-очрашу 12 сәгатьтә Zoom платформасында узачак. Катнашучылар арасында Уфа шәһәр хакимиятенең мәгариф идарәсе, Мәгариф һәм фән министрлыгы, Караидел районы хакимияте каршындагы җәмәгать Советы, Мәгариф һәм фән министрлыгы каршындагы җәмәгать Советы вәкилләре, Җәмәгать палатасы әгъзалары һәм барлык теләүчеләр булачак.
Иҗтимагый палатаның матбугат хезмәтеннән хәбәр итүләренчә, фикер алышуларда катнашу уңаеннан Башкортстанның Иҗтимагый палатасы аппаратына мөрәҗәгать итәргә кирәк: oprb2011@mail.ru “3 декабрьдә иҗтимагый фикер алышу” тамгасы белән яки 280-82-36 телефоны буенча.
Исегезгә төшерәбез, уку елы башын Русиядә октябрь аена күчерү тәкъдиме Дәүләт думасына ЛДПР әгъзаларыннан булды.
Хәзер уку елы башы көндезге-читтән торып укучылар өчен бер айга һәм читтән торып укучы укучылар өчен өч айга күчерелергә мөмкин, дип хәбәр ителә аңлатма язуында. Экспериментның актуальлеген закон проекты авторлары COVID-19 аркасында чикләүләр белән аңлата.
“Бу чаралар ил буенча йөрүгә чикләүләр генә түгел, шул исәптән балалар лагерьларын, спорт һәм иҗат түгәрәкләрен, күңел ачу үзәкләрен ябуны да үз эченә ала. Һичшиксез, эпидемиологик хәл тотрыклылангач, барлык балалар оешмалары да яңадан ачылачак, әмма балаларның актив ял итүе өчен мәктәп каникулларыннан бик күп вакыт калмаячак”,— диелә аңлатма язуында.
Проект белән Русия субъектлары төбәкнең барлык мәктәпләренә экспериментта катнашырга мөмкинлек бирүче тиешле законнар кабул итәр дип көтелә. Шул ук вакытта уку елы белем бирү оешмасы планы нигезендә төгәлләнәчәк, ә дәүләт аттестациясе Мәгариф министрлыгы тарафыннан билгеләнгән вакытта үткәреләчәк.
Фото: orda-gazeta.ru
--- |
Иң күп укылган
|