|
|
Бүген кемнәр туган
|
|
Архив
|
26.11.2020 Хәвеф-хәтәр
"Улымның гамәле өчен оят!": Укытучыны инфарктка кадәр җиткергәнПедагогларның җанын "ашаган" укучы белән конфликт тынарга уйламый да әле. Санкт-Петербургның 314нче мәктәбендә бәдрәфкә чыгарга сораган үсмерне укытучының кычкырып тиргәвен, шул сәбәпле килеп чыккан конфликтны төшереп, видеоязманы “ВКонтакте” социаль челтәрендәге төркемдә таратканнар. “Подъем” басмасына башка укучыларның әти-әниләре сөйләвенчә, бу укучы бер ай элек әлеге укытучының ирен инфарктка җиткергән, ул да педагог булган һәм бу мәктәптә тормыш хәвефсезлеге нигезләре дәресен укыткан.
“Менә шундый укучы инде ул. Бер ай элек, җомга көнне, ул дәрес буе Михаил Ивановичны мәсхәрәләгән, укытучыны инфарктка кадәр җиткергән, якшәмбе көнне ул вафат булды. Малай хәзер Инна Алексеевнаны мыскыллавын дәвам итә. Өч балам бар, кече улым аңарда укыды. Инна Алексеевна кырыс, әмма гадел, сизгер күңелле укытучы. Михаил Иванович исә бик игелекле, сабыр кеше иде”, — дип, басма бер укучының әнисенең сүзләрен китерә.
Видеоязмадагы комментарий астында малайның гамәле өчен әтисе гафу үтенгән.
“Оят! Улымның кылган гамәле өчен оят. Педагогны чыгырыннан чыгарган! Һәм беренче тапкыр гына түгел. Аларны котырта һәм җәфалый. Зинһар, гафу итегез! Улымда укытучыларга карата хөрмәт тәрбияли алмаганым өчен гафу итегез. Хезмәтләре һәм сабырлыклары өчен педагогларга баш иябез!” — дип язу калдырган ул.
Фото: newbur.ru
--- |
Иң күп укылган
|