|
|
Бүген кемнәр туган
|
|
Архив
|
24.11.2020 Җәмгыять
Борынына тыгылган тиен акча белән 50 ел яшәгәнРоссиядә бер ир борынына тыгылган тиен акча белән 50 (!) ел яшәгән. Табиблар ят җисемне наркоз кулланып алганнар. Бу хакта башкаланың сәламәтлек саклау департаменты сайтында хәбәр ителә. Ведомство хәбәр итүенчә, 59 яшьлек русияле, борынының бер яртысы белән тын алалмавына зарланып, поликлиникага мөрәҗәгать иткән. КТ вакытында уң яклап борын тишегенең тулысынча ят җисем белән тыгылганлыгы ачыкланган. Пациент соңрак 6 яшендә борынына 1 тиен акча тыгуын һәм әнисенә бу хакта әйтмәвен исенә төшерә.
Табиб-отоларинголог Татьяна Михайлова озак еллар дәвамында пациентның борынындагы тиен акча тирәли ташсыман тыгызлыкта конгломерат барлыкка килүен сөйләгән. Аннары табиб пациентның моңа кадәр дә начарлашкан тын алуга зарлануын әйткән, әмма медиклар мон ирнең борынындагы перегородка үзенчәлеге белән аңлаткан.
“Заманча техника патологиянең чын сәбәбен ачыкларга ярдәм итте”, – ди табиб.
Иргә урындагы наркоз астында операция ясап, борын куышлыгын төзәтәләр. Әлбәттә, табиблар кимерчәкнең кәкрәйгән өлешен һәм ят җисемне дә алганнар. Ниһаять, ир рәхәтләнеп сулый ала. Бәхетнең нәрсә икәнлеген шунда аңлыйсың шул.
Чыганак: Lenta.ru
Фото: lora-nn.ru
Әлфия ШАКИРҖАНОВА |
Иң күп укылган
|