|
|
Бүген кемнәр туган
|
|
Архив
|
17.11.2020 Фаҗига
Янгында һәлак булган 5 яшьлек кызны бабасы белән калдырганнарБашкортстанның Әлшәй районара суды ике кеше үлеме очрагы буенча җинаять эше кузгаткан. Хәтерегезгә төшерәбез, 15 ноябрьдә, Шафрн авылында агач йортта янгын чыга. Күрешләре янган йорттан 62 яшьлек ирне һәм 5 яшьлек кыз баланы алып чыга. Кызганычка каршы, ир шунда ук җан биргән. Кыз бала исә дәваханә реанимациясендә үлгән. “Вакыйга урынын өйрәндек. Кешеләр үлеме һәм янгын чыгу сәбәпләрен ачыклау өчен белгеч тикшеренүләре билгеләнде. Беренчел версия – электр проводкасының төзек булмавы”, – диләр БР буенча Тикшерү комитетының матбугат хезмәтендә.
Фаҗига көнендә кызчыкның ата-анасы – 45 яшьлек ир һәм 38 яшьлек хатын – шәһәргә кибетләрдә йөреп кайтырга дип киткәннәр. Өлкән уллары – 8 яшьлек малай – күршеләрендә торып калган. Кызчык өйдә гәүдәсенең ярты өлешен паралич суккан картәтисе белән калган. Гаиләнең ике нарасые да – теләп, көтеп алынган сабыйлар. Ир дә, хатын да тырыш булганнар, икесе дә урындагы санаторийда эшләгәннәр. Гаиләне уңай яктан бәялиләр.
Шундый зур кайгылардан һәммәбезне дә Ходай Тәгалә үзе сакласын.
Чыганак: bashinform.ru
Фото: БР буенча Гадәттән тыш хәлләр министрлыгыннан.
Әлфия ШАКИРҖАНОВА |
Иң күп укылган
|