|
|
Бүген кемнәр туган
|
|
Архив
|
16.11.2020 Криминал
Сезгә бушлай бал тиешле, банка алып килегез дип, 92 яшьлек әбинең 30 мең сум акчасын урлаганнарӨлкән яшьтәге кешеләрне ничек кенә алдамыйлар. Хәер, аларны алдау бик җиңел. Беренчедән аларның зиһеннәре чуалган була, икенчедән, алар кешегә ышанырга өйрәнеп үскән буын. Шушы көннәрдә 36 яшьлек хатынны тоткарлаганнар (фотода). Ул әбиләрне алдап, аларның акчаларын урлауда шикләнелә. 27 октябрь көнне Казанның Коммунаров урамындагы бер фатирында ишек шакыйлар. Ишекне 92 яшьлек әби ача. Чит хатын үзен социаль хезмәткәр дип таныштыра. Әбигә 3 мең сум акча каралган, имеш. 5 мең сумын суза һәм 2 мең сум сдача сорый. Әби сдача барлаганда, теге хатын бөтен акчаларны күреп ала. Һәм хәйлә уйлап таба. Сезгә әле бушлай бал тиешле, банка алып килегез дип, әбине кухняга озата. Һәм 30 мең сум акчаны үзләштерә. Һәр хәлдә, җинаять эшендә әлеге вакыйга шулай сурәтләнгән. Шулай ук бу хатын Восстания урамында 80 яшьлек әбидән 80 мең сум шудырган, дигән оператив хәбәр бар. Әбиләр рәнҗетүче кешене Ульян каласында тоткарлаганнар. Ул бу җинаятьләрне эшләвен кире какмаган, дип хәбәр итә МВДның матбугат үзәге.
--- |
Иң күп укылган
|