|
|
Бүген кемнәр туган
|
|
Архив
|
20.10.2020 Хәвеф-хәтәр
Франциягә ялга барган хатынның улын тартып алганнарКоми республикасында яшәүче Жанна Пилкина 6 яшьлек улы Лев белән Франциядә ялга баргач, аяныч хәлгә тарыганнар. 42 яшьлек Жанна Лион шәһәренә коронавирус башланганчы, 12 февральдә үк килгән. Әлегәчә ул Франция җитәкчелегеннән кайтырга рөхсәт бирүләрен көткән, әмма тегеләре бирергә ашыкмаган. Бүгенгәчә улы белән кунакханәдә яшәгәннәр. Визалары сентябрь аенда тәмамланган, тик коронавирус пандемиясе аркасында Франция хакимияте икесенең дә визасын декабрьгә кадәр озайткан. Шулай итеп, русиялеләр Франциядә карантин вакытында бернинди закон бозмыйча тәртипле генә яшәгән. Жанна отельдә түләп торган һәм улын, Франция кануннары буенча, 1 сентябрьдә урындагы мәктәпкә укырга биргән.
"Бер көнне отель хезмәткәрләре улымның мәктәптә булырга тиеш вакытта холлда йөрүен күргәннәр, - дип сөйли Жанна. - Дөресен генә әйтим, без кайвакыт беренче дәрескә соңлый идек. Кунакханә хезмәткәре шунда ук бала мәктәптә түгел, берүзе холлда йөри, җитмәсә ул рус малае, дип социаль хезмәткә хәбәр биргән. Нәкъ менә шуңа күрә 7 октябрьдә Франция властьләре баламны тартып алып, балалар йортына озаттылар. Мәктәпкә соңга калган өчен генә баланы тартып алырлар дип уйламадым да, - дип өзгәләнә хәзер Жанна.
Әнисе сүзләренә караганда, балалар йортында Лев авырый башлаган. Әнисен дә янына кертмиләр икән. Баласына витаминнар да, дарулар да бирә алмый. Малай әнисеннән аерылгач, стресс кичергән. Хәзер аны чит гаиләгә тәрбиягә бирергә җыеналар икән.
Жанна әйтүенчә, улының язмышын тиздән булачак суд хәл итәчәк. Ул 21 октябрьгә билгеләнгән. Хатын Русиянең Франциядәге илчелегенә ярдәм сорап мөрәҗәгать иткән. Бу хәл ничек тәмамланыр...
Ләйсән КАСПРАНОВА |
Иң күп укылган
|