14.10.2020 Мәдәният

"Бу хатадыр дип өметләнәм": танылган музыкант, баянчы Айнур Фатихов 37 яшендә вафат булды (ВИДЕО)

Уфада танылган музыкант, баянчы Айнур Фатихов вафат булды. Аңа нибары 37 яшь иде. «Башинформ»га музыкантының үлемен Мәдәният министрлыгында раслаганнар, хәзерге вакытта барлык нечкәлекләре ачыклана. Фатиховлар гаиләсенең хастаханәдә дәвалануы билгеле, дип яза агентлык.

Республика көне алдыннан Айнур Фатихов Ришат Төхвәтуллин белән чыгыш ясаган. Бу хакта артистның хезмәттәшләре сөйләгән.

"10 октябрьдә генә чыгыш ясады, сәхнә артында шаярды. Ул авырган, күрәсең. Мин әле дә бу хатадыр дип өметләнәм", - дигән БРның халык артисткасы Рушанна Бабич.

Фатихов Айнур Хәлит улы 1983 елның 22 февралендә Уфада танылган виртуоз баянчы, Башкортстанның халык артисты Хәлит Фатихов гаиләсендә туа.

2001 елда Заһир Исмәгыйлев исемендәге Уфа дәүләт сәнгать институты карамагындагы урта махсус музыка мәктәбен тамамлай. Баян класы буенча белем ала.

1997 елда Айнур Швейцариядә «Донья кубогы» халыкара баянчылар конкурсында VII урынды яулай, шулай ук укыган елларында төрлө халыкара конкурс-фестивальләрдә җиңү яуйлый.

Уку елларында ук аны Салават Фәтхетдинов, Айдар Галимов, Габделфәт Сафин кебек Башкортстан һәм Татарстанның популяр җырчылары чакыра башлады. 2007 елда аның соло альбомы чыга, анда ул үзен җырчы буларак сынап карый. Баяннан тыш, Айнур курайда, төрле гармуннарда, аккордеонда, тальянкада, кубызда уйнады. Башкорт һәм татар эстрадасында яхшы таныш иде.

Посмотреть эту публикацию в Instagram

Татарстан hәм Башкортостан гармунчылары, баянчылары тәкъдим итә! @rinatvaleev_oficcial Ринат Валеев @ainour.fatikhov Айнур Фатихов @nail_sagdiev Наиль Сагдиев @bulat_khismatov_musicland Булат Хисматов @ilshaeh Ильфат Шаехов @ruslanmukhamadiev Руслан Мухамадиев @razil_kamalov Разиль Камалов @bulat_sharipov_bayan Булат Шарипов @aidar_yunus Айдар Юнусов @almaz_yunus Алмаз Юнусов @robson_kzn Роберт Халилов @fidanbulam Фидан Халиуллин @ilnur_sattar Ильнур Саттаров @Ilnurganiev1979 Ильнур Ганиев @ilshat_bayan Ильшат Хисамутдинов @alfgaliullin Альфис Галиуллин @Aizatdus Айзат Шайхелмарданов #баянчеллендж #баянчылар #гармонисты #17

Публикация от Айнур Фатихов (@ainour.fatikhov) 17 Апр 2020 в 1:30 PDT

---
Матбугат.ру
№ --- | 14.10.2020