|
|
Бүген кемнәр туган
|
|
Архив
|
08.10.2020 Криминал
Бер яшьлек сабыен полицейскийларга ташлап качкан
4 октябрьдә Уфадагы полиция бүлекләренең берсендә бер яшьлек баланы калдырып китәләр. Ана кеше сабыен болдырга ташлап качкан, диләр хокук саклаучылар. Малайны башкаланың 17нче балалар дәваханәсенә урнаштыралар. Бәлки, берәрсе күреп таныр дип, сабыйның фотосурәтен социаль челтәрләргә салалар. “Монда баланы сабыйлар йортына рәсмиләштерәләр. Бәлки, күке-ана баласын күреп, акылына килер. Бәлки, туганнары яки танышлары күрер. Жәл бит малый” дигән язу да пәйда була социаль челтәрләрдә.
“КП-Уфа” хәбәр итүенчә, күке-ана табылган. Полиция хезмәткәрләре аның шәхесен ачыклаган. “Хатынга карата административ протокол төзелгән. Ул район хакимиятенең балигъ булмаганнар эшләре буенча комиссиясенә җибәрелгән. Бала әле медицина хезмәткәрләре күзәтүе астында кала”, – дип хәбәр итәләр ведомствоның матбугат хезмәтеннән.
Чыганак: www.ufa.kp.ru
Фото: gorobzor.ru
Язгөл САФИНА |
Иң күп укылган
|