|
|
Бүген кемнәр туган
|
|
Архив
|
25.08.2010 Фаҗига
МАНСУР ИБРАҺИМОВ ВАФАТТатарстанның театр сәнгате зур югалту кичерә. 25 августта 57 нче яшендә кинәттән Г.Камал исемендәге Татар дәүләт Академия театры актеры, Татарстанның атказанган артисты Мансур Әһлулла улы Ибраһимов вафат булды. М.Ә.Ибраһимов 1954 елның 7 гыйнварында Татарстанның Апас районы Чатбаш авылында туа. Театр сәнгатенә килгәнче Мансур Ибраһимов заводта эшли, Совет Армиясе сафларында хезмәт итә – зур тормыш мәктәбе уза. 1981 елда Казан театр училищесын уңышлы тәмамлаганнан соң остазы Марсель Сәлимҗанов аны Галиәсгар Камал театрына кабул итә. Үзенә генә хас аһәңгә ия булган, табигыйлеге, ихласлыгы, музыкальлеге белән аерылып торган лирик пландагы артист М.Ибраһимов тарафыннан 30 еллык иҗат эшчәнлеге дәвамында 50дән артык роль уйналган. Тљрле елларда башкарылган Семен – «Һаваларда йолдыз» Максим Горький, Әхмәт – «Бәхетсез егет» Галиәсгар Камал, Әбдери – «Без китәбез, сез каласыз» Туфан Миңнуллин, Ирназар – «Ахырзаман» Чыңгыз Айтматов, Шаһзадә – «Таһир-Зөһрә» Фәтхи Бурнаш, Гыймади – «Галиябану» Мирхәйдәр Фәйзи, Акъегет – «Ай тотылган төндә» Мостай Кәрим, Тимерҗан – «Зөләйха» Гаяз Исхакый, Габдрахман – «Кишер басуы» Зөлфәт Хәким, Тевано – «Биюче» Лопе де Вега, Хәсән - «Шәмсекамәр» Мөхәммәт Әблиев һәм башка рольләрендә Мансур Ибраһимовның сәхнә осталыгы, образларының тирәнлеге һәм байлыгы киң чагыла. Иҗатының соңгы чорында башкарган: Имаметдин – «Кичер мине, әнкәй!» (Рабит Батулла), Гамир – «Шулай булды шул» (Туфан Миңнуллин), Гомәр – «Талак, талак» (Хәй Вахит), Вакыйф – «Мәхәббәт турында сөйләшик» (Илгиз Зәйниев), Җәмгый – «Мин ышанам сиңа» (Ләбиб Айтуганов) рольләре артистның тљрле жанрда да искиткеч тормышчан, хисле уенының үрнәге иде. М.Ә.Ибраһимов үзенең кешелеклелеге, тыйнаклыгы, сайлаган һљнәренә тугрылыклыгы белән хезмәттәшләренең тирән ихтирамын яулады. Татар театрының талантлы артисты, сәнгатькә тугрылыклы булган дустыбыз, сәхнәдәшебезнең якты истәлеге безнең күңелләрдә мәңге сакланыр. Артист белән хушлашу 26 августта Г.Камал театры бинасында сәгать 10 да була.
--- |
Иң күп укылган
|