|
|
Бүген кемнәр туган
|
|
Архив
|
21.09.2020 Мәдәният
Хәмдүш китте, Хәния кайтты...Татар-башкорт яшәүче һәр төбәкне балкыткан якташларыбыз янә бер сәхнәдә очрашты. Казанда Татарстанның халык артисты, якташыбыз Хәния Фәрхи истәлегенә концерт узды. Анда җырчының иҗатташ дуслары, гаиләсе, туганнары катнашты. Исән булса, Хәмдәнә апа да бу тамашаның уртасында булыр иде, әлбәттә. Әмма ул үзе "алиһә" дип атаган якташы белән бергә бу бәйрәмгә күкләрнең җиденче катыннан карап торгандыр дип ышанасы килә. Аның Хәния Фәрхи турында сөйләвен сәхнәдә куелган экраннан күрсәттеләр.
- Хәния, кеше буларак, бик чиста күңелле иде, аның телендә беркайчан да артистлар турында да, гади халык турында да гайбәт булмады. Мин аны менә шундый чисталыгы өчен ярата идем.
Җыр мәсьәләсенә килгән вакытта, ул халкыбызның иң яраткан җырчыларның берсенә әверелде. Мин аны Аллаһы Тәгалә тарафыннан Җир йөзенә җибәрелгән бер фәрештә дип әйтер идем. Ул, сәхнәгә чыкса, алиһә була иде. Халык аны яратты, мин үзем дә аның җырларын яраттым. Ул чын мәгънәсендә Аллаһ Тәгаләдән халык җырчысы булып яратылган», — дигән иде Башкортстанның халык артисты Хәмдүнә Тимергалиева.
Хәния Фәрхинең сеңлесе Фирүзә Ибәтуллина, кызы Алия дә концертта чыгыш ясадылар.
- Кояшым белән очрашуга барам, бик дулкынланам, - дигән иде Фирүзә Казанга юл алганда.
Аның сүзләренә караганда, Хәния Фәрхи үзе бакыйлыкка күчкәч тә тулы заллар җыя алырлык җырчы булуы - аның өчен аерым горурлык.
...Пар күгәрчен уйный зәңгәр күктә,
Очкан кебек минем кулымнан.
Өметемне өзми көтәм сине,
Эзлим һаман кошлар юлыннан.
Онытылыр димә, онытырмын димә,
Йөрәгеңнән яздырам, димә...
Яздырып буламыни инде сезне, кызлар...
Фото: "ТНВ"дан скриншот.
--- |
Иң күп укылган
|