• 24.10 "Зөһрә", Кариев театры. 13:00
  • 24.10 "Шәй-бу, Шай-бу!", Кариев театры. 18:00
  • 25.10 "Кичер мине, әнкәй", Кариев театры. 18:00
  • 28.10 "Корт", Кариев театры. 18:30
  • 10.11 «1+1» Ирле-Хатынлы Солянка. Филармония. 18:30
  • 21.11 "Яңа татар жыры". Гала-концерт "Пирамида".17.00
  • 19.12 Татар җыры. “Казан Экспо” күргәзмәләр комплексы, Илһам Шакиров исемендәге концертлар залы. 17:00
Туган көннәр
  • 24 Октябрь Рәис Шәйхелисламов
  • 24 Октябрь Софья Гобәйдуллина
  • 26 Октябрь Резидә Галимова
  • 26 Октябрь Раил Өметбаев
  • 27 Октябрь Фәрит Таишев
  • 27 Октябрь Рөстәм Вәлиев (1961-2014)
  • 27 Октябрь Рәдиф Җамалетдинов
  • 27 Октябрь Шамил Садыйков
  • 28 Октябрь Нурихан Фәттах (1928-2004)
  • 28 Октябрь Әлфинә Әзһәмова
  • Актаныш. Продаётся б/у диван раскладной и два кресла (раскладные). По отдельности либо вместе. Два кресла идентичны, диван отличается. Чистые, в отличном состоянии. Диван - 11000, кресла - 1000. 89869336711.
  • 1 булмэле фатир моселман гаилэсенэ арендага бирелэ. Собственник.89509488227
  • Актаныш.услуги:жалюзи рулонные шторы рольставни рольворота 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Сдаю комнату в общежитии на Промысловой 5. Тел 8-9172618276
  • Казан шәһәрендә Зур Урам, 1 К адресы буенча квартира озак вакытка арендага бирелә. Кер юу машинасы, холодильник, телевизор бар. Бәясе 17 мең сум. т.89375830280
  • Апас районы Каратун станциясендә кулай бәядән генә бер бүлмәле фатир сатыла . Якында гына кибетләр, балалар бакчасы , мәктәп урнашкан . Телефон 89673645355
  • Дипломированный специалист. Делаю Взрослый и детский массаж. (так же делаю массаж особенным детям) не дорого с выездом на дом. Кому интересно пишите в ватсап.89063313174 (Гульфина) мой инстаграм _massage_kazan._
  • Казаннын Дружинная 4 адресы буенча урнашкан 2 булмэле квартиранын (1 булмэсендэ 2 кыз яши) 2 нче булмэсенэ тэртипле, начар гадэтлэре булмаган, вакытында тулэп бара ала торган татар кызы эзлибез. Квартирада яхшы ремонт, барлык унайлыклар, техника да бар. Ерак тугел ТЦ Тандем, Пятерочка, Магнит итп, метро Козья слобода. Заселение ноябрьдэн. Фотоларны в лс жибэрэбез. 89503177076
  • дворник,уборщица кирэк,центр 89872053927

 
 

 
Архив
 

               

21.09.2020 Җәмгыять

“Аллаһка таянып, сынмый калдым” (БУЛГАН ХӘЛ)

Ул һәркем белән ярты чакрымнан елмаеп күрешә, хәл-әхвәлен белешеп, ачык йөз белән исәнләшә. Китап укырга ярата икән, Нәҗибә ханымның шулай диюе сүз җебен әдәби әсәрләргә, язучыларга бәйләп куйды. Җитмәсә, бер үк авторларны яратып укыйбыз икән. “Минем язмышым үзе дә китаптан ким түгел анысы”, – дип сүз башлады ул, бервакыт кыска гына күрешүебездә.

- Үземнең тормышымны өч кисәккә бүлеп карыйм мин. Иремә кияүгә чыгып, аның белән яшәгән елларым, ирем үлгән чак, шуннан соң үткән гомерем – өчесе өч кешенеке кебек... Парлы тормышыбыз сынаулы башланды башлануы, беренче балабыз биш айлык чагында вафат булды. Әллә прививка ярамады, ни сәбәп икәнен бер Аллаһ кына белә инде. Ул чактагы күз яшьләремнең ачылыгын сөйләп аңлата торган түгел.

Шуннан соң бер-бер артлы өч бала алып кайттык. Инде түгәрәкләндек дигәндә, өебезгә кара кайгы килеп керде – авариягә очрап, ирем үлде. Төпчегебез тәпи генә киткән чак иде. Акылдан язудан шул балаларым гына саклап калгандыр... Төн җитсә, өйдә йоклаудан куркам, ишекләрне, капкаларны бикләп, кат-кат тикшереп керәм, ишек катына балта-пычак куеп йокларга ятам – гел кемдер килеп керер шикелле. Ир исән чакта ишек бикләнгәнме, юкмы – искә дә алганым булмады югыйсә, ә хәзер куркам... Шул куркуны балаларга да йоктырдым. Бервакыт кайтып киләм – олы улым беренче класста укый иде, мәктәптән кайткан да балакаем, коеп яуган яңгыр астында капка төбендә басып тора. “Әни, мин өйгә керергә куркам”, – ди улым. Шул хәлдән соң әкренләп-әкренләп үземне кулга ала башладым, нык булырга тырыштым. Аллаһы Тәгаләдән сабырлык сорадым, догалар укып, намазга басып, шул сабырлыкка ирештем дә кебек. “Бу хәсрәтләр ни өчен бирелде икән?” – дип еш уйлана идем. Барысы да бер сынаудыр инде, күрәсең... Югыйсә, беркемгә дә, бернәрсәгә дә зыян салмаска тырышып яшим. Бер вакыйганы сөйлим әле үзеңә. Ирем үлгәч булды инде ул. Март башы иде. Беркөнне кич сыер савып утырам, өйдән улым йөгереп чыккан. “Әни, кухняда кап-кара елан йөри, суыткыч астына кереп киткәнен күрдем”, – ди. Безнең авыл урманга якын, җәен ишегалдына еланнар төшкәли инде. Ә монда, урамда кар ятканда, каян килеп чыккандыр, кем белсен. Мин сыерны савып бетергән арада улым: “Әни, еланны тоттым, сумкага салып куйдым”, – дип тагын йөгереп чыккан. “Ярар, мин әйтәм, берәр кая илтеп ыргыт инде үзен”, – дим.
 
Йокларга яттык. Күзгә йокы керми генә бит. Башыма әллә нинди уйлар килә. Ул елан да Аллаһы Тәгалә яраткан җан иясе бит. Урамга чыгарып ыргытырга куштым да кушуын... Анда бит салкын кыш, катып үлә бит инде ул анда дим. Безгә рәнҗеше төшсә? Түзмәдем, улымнан сорыйм: “Еланны кайда калдырганыңны хәтерлисеңме?” – дим. “Әйе, мин аны зират капкасы буенда башы белән карга тыгып калдырдым”, – ди. Киендек тә киттек шунда. Чыннан да, улым ничек калдырса, кар өстендә ята теге елан. Алып кайттык, банкага салып, җилем капкач белән каплап куйдык. Бераздан еланыбыз боргаланып, капкачны эчтән төрткәли башлады. Без йоклагач, тәки төртеп чыга бит бу моны, дим. Инде банканы кат-кат целлофан пакетларга төреп, ныгытып бәйләп куйган булдык, һава керсен өчен вак-вак тишекләр ясадык. Ул көнне йокыбыз йокы булмады, шул еланны саклап чыктык. Мин аны соңыннан эшкә алып барып, кызларга күрсәттем дә подвалга җибәрдек үзен. “Мин сиңа тимәдем, син дә миңа, минем балаларыма, нәселемә зыян салма”, дия-дия җибәрдем.
 
Инде балаларым буй җиткерде, исән-сау яшәдек, аларны аякка бастырырга Аллаһ үзе көч бирде. Ничек кенә авыр булмасын, беркемгә кара коелмадым, якты йөз белән яшәргә тырыштым. Эштә җитәкчебез (ул мәрхүм инде, бу сүзләрем дога булып барып ирешсен үзенә) һәрчак әйтә иде: “Әнә, Америкада бар кеше безнең Нәҗибә кебек ачык йөзле булып, елмаеп яши”, – ди торган иде... Ничек көч таптыммы? – Авыр минутларымда Коръән аятьләре укып, Аллаһка сыенып көч таптым мин, сынмый калырга шул ышаныч кына ярдәм итте...
 

Айгөл ӘХМӘТГАЛИЕВА
Матбугат.ру
№ --- | 21.09.2020
Матбугат.ру печать

Фикерләр

Исем:
E-mail:
Текст:
 
№1 (909009) / 21.09.2020 14:53:27

СубханАллах.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Раяз Фасихов
MINBAR
Татарстан Диния нәзарәте