|
|
Бүген кемнәр туган
|
|
Архив
|
17.09.2020 Ир белән хатын
"Иремнән качарга ярдәм итегез!"Уфада авыр тормыш хәлендә калган йөкле хатын ярдәм сорый. Күпбалалы гаиләләргә ярдәм фонды волонтерлары сөйләвенчә, Мәскәү өлкәсендә яшәүче кызны эчкече әнисе кечкенә чагында балалар йортына биргән. Балигъ булганчы Вероника махсус учреждениедә тәрбияләнгән, ә 18 яшь тулгач, аңа коммуналкада бүлмә ачкычларын биргәннәр. Элек биредә анасы яшәгән булган. Тик күршеләре яңа хуҗабикә белән уртак тел табарга ашыкмаган. Нәтиҗдә, Вероника танышларында һәм социаль приютларда яшәгән.
Бервакыт Вероника Башкортстан егете белән танышкан. Егет, янәсе, Мәскәүгә командировкага килгән булган. Ул аның әдәпле кеше булуына ышана һәм тиздән яшьләр арасында җылы хисләр барлыкка килә. Бераздан егет сөеклесенә туган ягына күчеп китәргә һәм кечкенә генә авылда яшәргә тәкъдим итә.
Алар ике елга якын бергә яши. Вероника балага уза. Әмма егет бик нык эчә, өйдән чыгып китеп югалып тора. Вероника ирнең кайда эшләгәнен дә анык кына белми. Ул аның эше сәүдә белән бәйле дип уйлый, егеткә еш командировкага китәргә туры килә. Әмма бервакыт егет кире әйләнеп кайтмый. Ә берничә көннән соң Вероника яшәгән өйгә полиция кереп китә. Егет урлашу өчен зур шәһәрләргә "командировка"га йөргән икән. Шулай ук, аның наркотиклар куллануы ачыклана.
Хәзер Вероника Мәскәүгә китәргә, анда баласын тудырырга, мирас буенча калган бүлмәсен төзекләндерергә хыяллана. Иң мөһиме - баланың әтисе генә аларны эзләп тапмасын. Кызганычка каршы, Верониканың билетларга да акчасы юк. 30нчы атна йөкле булган хатынга бүлмәдә ремонт ясарга, бала тудыру йорты һәм беренче вакытта бала өчен кирәк булганның барысын да сатып алырга кирәк.
Әгәр телисез икән, булачак әнигә сез дә ярдәм итә аласыз. Карта номеры: 2202 2003 9989 0654. Яшь ананы ярдәмебездән калдырмыйк!
Фото: thesun.ie
--- |
Иң күп укылган
|