|
|
Бүген кемнәр туган
|
|
Архив
|
16.09.2020 Шоу-бизнес
Петросян кечкенә улын, ниһаять, халыкка күрсәтергә булган (ФОТО)Комик Евгений Петросян яшь хатыны Татьяна Брухуновадан туган улы Ваганның фотосын беренче тапкыр халыкка күрсәтергә булган. Артист инстаграмда кечкенә улының рәсемен урнаштырган һәм: "Ә менә ул - Ваган Евгеньевич Петросян!» - дип язган. Әйтергә кирәк, бүген - Евгений Петросянның туган көне. Аңа 75 яшь тулган. Нәни улы белән төшкән фотода ул бик бәхетле күренә. "Улыгыз әнисенә охшаган! Бәхетле бала булсын!" - дип язган комментарийларда сатирикның дуслары һәм тамашачылары.
Татьяна Брухунова белән Петросян былтыр өйләнешкәннәр иде. Аңа кадәр Петросян дүртенче хатыны Елена Степаненко белән аерылышты.
Сатирикның быел яз Дубай клиникаларының берсендә улы дөньяга килүе турында хәбәрләр ишетелгән иде, тик бу хакта артист үзе дә, хатыны да әлегә кадәр дәшмәде. Ниһаять, хәзер алар уллары туу шатлыгы белән бүлешергә булган.
Фото: instagram.com/petrosyanevgeny
--- |
Иң күп укылган
|