|
|
Бүген кемнәр туган
|
|
Архив
|
21.08.2020 Криминал
Приют эшчесе сүгенеп, баланың авызын скотч белән ябыштырганБалаларга рәхимсез мөнәсәбәттә булган элекке приют хезмәткәрен суд балигъ булмаганнарга тиешле тәрбия бирмәүдә гаепләгән. Һәм суд аңа ... 8 мең сум күләмендә штраф билгеләгән. Тикшерү һәм суд ачыклавынча, быел май аенда гаепләнүче социаль приютта кече тәрбияче булып эшләү дәверендә тәртип бозган балаларга карата рөхсәт ителмәгән тәрбия алымнары кулланган. Ягъни ул 4 яшьлек кызны 3 яшьлек малайга сугарга котырткан. Ул гына түгел, няня боларны телефонына төшергән һәм социаль челтәренә урнаштырган. Җитмәсә, ул 9 яшьлек кыз баланың авызын скотч белән ябыштырган, кулларына линейка белән суккалаган, удлинительне баланың йөзе алдында селкеп, аңа янаган, ямьсез сүгенгән.
Шәфкатьсез тәрбияче гаебен таныган һәм кылган гамәлләрендә үкенгән. Әйткәндәй, тикшерү нәтиҗәсендә яшь кызның балалар белән эшләргә хокукы булмаганлыгы ачыкланган. Бу хәлләрдән соң ул эшеннән азат ителгән. Приют директоры исә үз теләге белән вазифасыннан киткән.
Автор : Шакирҗанова Әлфия
Чыганак: bashinform.ru
Фото: Тикшерү комитетының БР буенча идарәсеннән.
--- |
Иң күп укылган
|