|
|
Бүген кемнәр туган
|
|
Архив
|
28.07.2020 Мәгариф
Менә алар — татар телендә өр-яңа уку әсбаплары (ВИДЕО)Татарстан китап нәшрияты үзенең инстаграмдагы битендә кызыклы видео урнаштырды. Бу юлы китап кибетеннән түгел, китапханәдән дә түгел, ә... складтан! Әйе, әйе, складтан. Погрузчик тавышы, тәгәрмәчләр, мотор... Һәм бик күп китап! Һәм 1 сентябрьне якынайтып “Өйрәтәләр мәктәпләрдә, мәктәпләрдә” көе яңгырый.
“Менә алар — татар телендә өр-яңа уку әсбаплары, - диелә постта, - “Тарих”, “Әйләнә-тирә дөнья”, “Технология”, “Җәмгыять белеме”, “География” һәм башка фәннәрдән дәреслекләр. Озакламый алар мәктәпләргә озатылачак. Үзенең бер гасырлык тарихында Татарстан китап нәшрияты санап бетергесез уку-укыту әсбаплары бастырган, ул әзерләгән дәреслекләр аша меңләгән, миллионлаган укучы белем алган. Бүген дәреслекләрне гамәлгә кую өстендә югары квалификацияле белгечләр эшли: тәрҗемәчеләр, корректорлар, мөхәррирләр, версткалаучылар, маркетологлар. Татарстан Мәгариф һәм фән министрлыгы заказы буенча, озакламый бүтән фәннәрдән дә дәреслекләр бастыру көтелә”.
--- |
Иң күп укылган
|