|
|
Бүген кемнәр туган
|
|
Архив
|
13.07.2020 Җәмгыять
Күп балалы гаиләләргә бушлай няня бирмәкчеләрРоссиядә өч яшьтән кечерәк ким дигәндә ике сабые булган күп балалы гаиләләргә бушлай бала караучы бирергә мөмкиннәр. Дәүләт Думасы депутаты Иван Сухарев РФ мәгариф министры Сергей Кравцовка шундый тәкъдим белән мөрәҗәгать итте. Парламентарий билгеләп үткәнчә, Россиядә соңгы елларда күп балалы гаиләләргә ярдәм күрсәтүдә күп кенә чаралар гамәлгә ашырыла. Шуңа да карамастан, мәктәпкәчә яшьтәге балаларның әти-әниләре әле һаман да ярдәмгә мохтаҗ, дип яза Татар-информ.
Әлеге инициатива балалары булган яки игезәкләр көткән яшь гаиләләргә кагыла. Әлеге яңалыкның максаты – яшь әниләрнең тормышын җиңеләйтү.
«Шуңа бәйле рәвештә, өч яшькә кадәрге бердән артык бала тәрбияләүче күп балалы гаиләләргә, әлеге сабыйлар өч яшькә җиткәнче һәм аларга мәктәпкәчә белем бирү учреждениесендә урын тәкъдим ителгәнче, бушлай нигездә бала каручы бирү мөмкинлеген каравыгызны сорыйм», - диелә Сухарев хатында.
Фото: пиксабай
--- |
Иң күп укылган
|