• 17.04 Премьера! "Ак чәчәкләр кебек..." (12+), Кариев театры , 18:00
  • 24.04 Ришат Төхвәтуллин. Уникс. 17:00
  • 25.04-27.04 Алтын Казан. ТАГТОиБ им. М.Джалиля. 18:00
  • 26.04 "Печән базары" (12+), Кариев театры, 18:30
  • 27.04 "Зәйтүнәкәй" (12+), Кариев театры, 18:30
  • 06.05 "Кайнар" концерт (6+), Болгар радиосы, 18.30 сәг.
  • 15.05 Бертуган Сафроновларның фантастик тамашасы. Татнефть Арена. 14:00
Бүген кемнәр туган
  • 17 Апрель
  • Бату Мөлеков (1928-1999) - композитор
  • Продаю комнату в коммунальной квартире, которая расположена по адресу: Казань, пр-т Ибрагимова, 37. Общ. площадью 13 кв.м.На 2/5эт. Входная дверь в комнату металлическая, пластиковые окна, на полу ламинат.Кухня, туалет, душ в коридоре с отдельным входом. В квартире сделан косметический ремонт.Доброжелательные соседи. Месторасположение комнаты очень удобная , развитая инфраструктура, всё в шаговой доступности(магазины,школы,аптеки). Во дворе детские сады, детская площадка, парковка своя. Отличная транспортная развязка, откуда можно добраться до любой точки Казани. Метро "Яшьлек" в 5 минутах пешим ходом. Автобусная остановка рядом. Парк Победы рядом. ТЦ Парк Хаус, Тандем, ДК Химиков, московский рынок всё в шаговой доступности.Тел.89274000105
  • Зеленодольский районы Большие кургузи 20 сутый жир арендага бирэм.шулай УК ялгыз яки Бер кызы булган моселман хатын кызы кирэк .ойдэ торырга 89600696970
  • Сниму гостинку или 1 комнатную квартиру в советском или приволжском районе,до 15т всё включено.89274234089
  • Требуются стропальщик и разнорабочий. Актаныш. Тел. 89376209888
  • Братьев Касимовых 22/7 (рынок мавлютова) адресы буенча урнашкан булмэгэ, иптэшкэ бер ир-егет кертэм. 89274433797.
  • Исэнмесез! Май башы май азакларын да 2 бэлмэле фатир снимать итер идем центр да Актаныш, семья балалар белэн. Желательно стиральная машина. Чистоту и своевременную оплату обещаем!!! 89509461699
  • Актаныш районында агач йорт сатыла. Торырлык, яхшы хәлдә. Арзан бәядән. 89372979649
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 7 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • романовский сарыклар сатыла .срочно тел 89050220598
  • Зур телевизор сатыла.Күрсәтүе яхшы.3000 сум.тел.89172337131

 
 

 
Архив
 

               

15.06.2020 Җәмгыять

Гомер буе эшләсәм дә, иң аз пенсия алам (КИЛГӘН ХАТ)

Әтием сугыштан бик нык контузия алып кайтып, урында ятты. Мин күпме ятып үлгәнен хәтерләмим, кечкенә идем. Әни үзе дә чирләп, туган авылына кайтып киткән. Аның туган авылы безгә күрше генә авыл. Әби бик усал булган, чирле килен сыймагандыр инде. Әни 24 ел чирләде.

Баштагы берничә елын көч-хәлгә таяк белән генә йөрде дә, 17 елын бер хәрәкәтсез урында ятты. Баштарак апам карады. Миңа 9 яшь тулгач, ул вербовка белән элеккеге Куйбышев шәһәренә эшкә китте. Чөнки әти юк, әни урында, башка ярдәмләшер кеше юк. Апам миннән 8 яшькә олы иде, өс-башын да карыйсы килгәндер. Анда баргач та, бик ябык, эшли алмассың, дип, эшкә алмый торганнар. Кат-кат килеп, эшләп үстем, эшли алам, дип ялынгач кына эшкә алганнар. Ничә еллар эшләп кайтканын инде оныттым. Эштә киемнәрем пычранып кайта идем дә, юып, өскә бөркәнеп ята идем. Иртән тагын шуларны киеп эшкә киткән. Алар кибеп тә өлгермәгәннәрдер инде. Башкаларга өйләреннән посылкалар килә иде, әй авыр була иде шул чакларда, дип сөйләгәне истә. Ашау-эчүне кысып, матур итеп киенеп кайтты ул авылга. Аннан кайткач, шәһәргә эшкә керде, авылга кайткалап кына йөрде. Аннары ерак авылдан кунакка килгән бер егет клубка кич чыккан җиреннән апаны урлап алып китте. Хатын аерган кеше булган ул. Хатыннар белән дә йөрергә яраткач, апа аннан аерылды. Кызы белән икенчегә барды. Анысы да рәхәт күрсәтмәде инде. Апа озак еллар астма белән чирләде, гел даруда гына торды. Аның да бакыйлыкка киткәненә инде берничә ел.
 
Мин 9 яшемнән ир-ат эшен дә, хатын-кыз эшен дә эшләп, урын хастасын да карап үстем. Суы гына да бик ерак, елганың теге ягында иде. Кыш көннәрендә елга ярын кар күмеп китә, аны ничекләр көрәп бетердем икән дип гаҗәпләнәм. Арба тартып, урманнан утын алып кайта идем дә, аны кисешергә кеше эзли идем. Кәҗәләрем бар иде, аларга су буеннан вак тал сындырып, көлтә бәйлим, аларны өй башына менгезеп, тезеп киптерә идем. Бакчабыз зур иде. Берүзем казып, берүзем күз салып, бәрәңге утырта идем. Кызы укудан кайткач, күрше апа аны миңа күз салышырга кертә иде. Мунчаны да аларда керә идем. Катыкка каймак салып сыйлаганы хәтердә. Әйбәт апа иде. Биш бала үстерде. Туган тиешле апалар да күршедә генә яшәде. Өебез янгач, әни белән бераз аларда да тордык. Алар исән түгел инде, урыннары җәннәттә булсын.
 
Миңа 21 яшь тулганда әни үлеп китте. Ул үлгәч, күрше авылга кияүгә чыктым. Нигә шәһәргә китмәдем икән дип үкенәм. Эшкә кергән булыр идем, фатир да бирерләр иде. Шулай дип акыл бирүче булмады. Авылда да эш тә эш булды инде анысы, утырып ашарга вакыт та булмас иде. Сыер да асрадык, күп итеп чебешләр, үрдәкләр тоттык. Бакчасын да карадым, өч бала да үстердем, эшкә дә йөрдем. Гомер буе эшләп, минималь пенсия белән лаеклы ялга чыктым. Аның кадәр пенсияне эшләмәгәннәр дә ала. Иреңнекенә күч, диделәр. Аның пенсиясенә күчкәч, кешенеке артканда, минеке яртылаш кына артып барды. Ятимне хөкүмәт тә гел кимсетә шул. Ирле хатыннарның пенсиясенә 300 сум өстәделәр. Кемнең ир белән яшисе килмәсен инде. Ирем колхозында да, тракторында да эшләде. Кырдан кайтып кермәде. Кыш көне кырдан эскерте белән салам сөйрәп кайталар иде. Менә шунда тычкан бизгәге эләктереп, чирләп үлеп китте. Кырында берүзем елап утырдым больницада, хәлен белергә килүче дә булмады. Чирләгәч, берәүгә дә кирәкмисең икән. Ул үлгәч, идарәгә салам сорап бардым, шуны да бирмәделәр. Башка төрле ярдәм итү юк та юк. Мин ярдәмне сабый чакта да күрмәдем. Әти сугыштан чирләп кайткач та, бернинди ярдәм булмады безгә. Без ярдәм сорап йөрүне белмәдек тә. Колхоздан да бернәрсә көтмәдек. Югыйсә, әни бит колхозда стахановчы булып эшләгән. Ярославльгә торф чыгарырга да җибәргәннәр, урман да кистергәннәр. Бабай да эшләгәндер. Ул авырып киткәч, аны да карадым (әнинең әтисен). Үз аягында йөргәч, карадым, дип, мин аны кешегә әйткәнем дә булмады. 88 яшендә үлде.
 
Ичмасам, әтинең рәсеме генә дә калмаган дим. Аның йөзен бер тапкыр да күрмәдем мин. Сугыша белмәгән бит, ут эченә барып кергән. Кырыйдарак йөрүчеләр әнә ветеран булып йөри. Аларга машинасын да, фатирын да, пенсиясен дә бирделәр. Быел Җиңүнең 75 еллыгына 100 мең сум акча да, кыйммәтле телефон да, күчтәнәче дә бирелде аларга. Балалары-оныклары тагын рәхәтләнгәндер. Сугыш вакытында, урман тулы «беглый» дип сөйләшәләр иде. Сугыш беткәч, берсе дә калмаган, барысы да өйләренә кайтып, ветеран булып йөри. Сугышның эчендә булганнар берсе дә калмады.
 
Менә безгә, сугыш чоры ятимнәренә, аз гына күчтәнәч салган пакет бирсәләр дә, мин бик шат булган булыр идем. Аны әтиемнең күчтәнәче дип кабул итәр идем, рәхмәт әйтеп, дога кылыр идем.
 
Бүгенге көндә 10 мең 190 сум пенсия алам. Шуны утка-суга-газга да түлим, улым белән икебезгә даруларга да җиткерергә кирәк. Балалар үстергәнгә акча өстиләр икән, дигәч, без дә пенсия бүлегенә барган идек. Чират торып кергәч, син бит иреңнең пенсиясен аласың, ирең бала тапмаган, диделәр. Әй авыр булды да инде шул сүз, күземнән яшь ага башлады. Туганнан бирле интегеп, тырмашып эшләп, бер дә рәхәт күрмәдем бит. Мин күргәннәрне яхшы кешенең эте дә күрми. Колхозда 30 ел эшләгәннәргә пенсия артты. Иремнең пенсиясендә булгач, миңа да артырга тиешме соң ул? Ирем тракторда 36 ел эшләгән иде. Ничекләр арттырырга соң бу пенсияне? Кешеләр бу кадәр аз алмый бит, минеке генә шулай аз. Пенсия алган саен елыйм. Былтыр президентка да язып карадым инде. Алар җавапсыз калдырмыйлар да бит, рәхмәт, тик үзләре хәл итми. Район башлыгыннан өебезне ремонтлатырга, электр чыбыкларын алыштырырга, улым белән икебезне больницага салып дәваларга, группа бирергә кушып, миңа хат килде. Мартта «ашыгыч ярдәм» белән алып китеп салдылар. Салганга карап, юньләп дәваламадылар да, 8 көннән кайтарып җибәрделәр. Чирләремне әйткәч, УЗИдан да карадылар, «лампочка» да йоттырдылар, тик элеккеге чирләремнең берсен дә тапмадылар. Шаккаттым. Югыйсә башымнан алып, аяк бармагыма кадәр авырта, бер исән җирем дә юк. Менә шундый хәлләр.
 
Исемем редакция өчен генә

---
Матбугат.ру
№ --- | 15.06.2020
Матбугат.ру печать

Фикерләр

Исем:
E-mail:
Текст:
 
№2 (908537) / 16.06.2020 00:03:22

Бүгенге көн пенсия системасы - адәм көлкесе инде ул. Бер-ике генә мисал: ярты триллион сум пенсия фондыннан маткапитал дип яшләргә бирелә, димәк һәр пенсионер шул ана капиталы аркасында пенсиясен 20 %-ка кимрәк ала. Ана капиталы ни өчен мескен картлар акчасыннан иүләнергә тиеш? Кешелек тарихында булмаган ахмаклык инде бу.
Икенче: төп хавлыкка пенсион калкулятор дигән алдау. Ул күпме генә эшләсәң дә 30-35 %-тан артык пенсия чыгармый эшләгәндәге хезмзәт хакыннан. Ә дәүләт хезмәткәрләренә пенсия 70 % хезмәт хакыннан + стаҗ өчен өстәмә. Хәрбюиләр, дәүләт чиновникларына 25 ел стаҗ да аннары пенсия, алар 40 яшендә паенсия гә чыга алалар, калганнар 65кә кадәр эшләргә тиеш. Интернетта 31 яшендә пенсиягә чыккан кешеләр дә бар. Аларга 20 ел стаҗ икән дә, аннары эшләре хәвефле дип бер ел хезмәтләрен 2 ел стаҗга исәпләгәннгәр. Кешеләр 30да эшли генә башлыйлар, бездә бер силовик 30да пенсиягә чыккан. Пенсия фондының эчке расходлары гына да 15 %, шунысын да тәртипләп куя алмыйлар бит безнең түрәләр. Пенсион фондның баш түрәләренең окладларын 10 тапкыр гына булса да киметсәләр һәр пенсионер 1 мең сум акча күбрәк алыр иде ай саен.

№1 (908534) / 15.06.2020 15:22:13

Булганына шөкер итәргә кирәк. 10190 сум пенсия да ярыйсы гына, җитмәгән кешегә күпме булса да җитми. Аннан да азрак алган кешеләр бар, зарланмыйлар.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar