|
|
Бүген кемнәр туган
|
|
Архив
|
02.06.2020 Җәмгыять
Акча күчә башлады. 10 мең сум кемнәргә бирелми?Мәгълүм булуынча, Русия Пенсия фонды 3тән 15 яшькә кадәрге балаларга 10 мең сум күләмендәге бер тапкыр түләнүче пособиене бирә башлады. Республикада мондый түләүгә 709 мең бала исәп тота ала. Әмма кайсыбер очракларда Пенсия фонды акча күчерүдән баш тартырга да мөмкин. Бу очракка түбәндәге сәбәпләр керә: пособиегә хокукы юк – заявка бирүче ата-ана хокукыннан мәхрүм ителгән, Русия Федерациясе гражданины түгел яки чит илдә яши; гариза кабаттан бирелгән – әти-әнисе шул ук балага түләү турында тагын бер гариза биргән, түләүгә хокук гамәлгә ашырылган – элек бирелгән гариза буенча гаиләгә акча түләнгән; дөрес булмаган мәгълүмат бирелгән – гаризада ата-ананың яисә баланың исем-шәрифләре, туган көне, СНИЛС яки тугандашлык бәйләнеше хаталы күрсәтелгән.
Югарыда телгә алынган сәбәпләр булмаганда, акча түләнә. Регламентка ярашлы, заявкалар биш эш көнендә карала, акчалар өч эш көнендә күчерелә. Ягъни, барысы да яхшы булса, гариза тапшырылганнан соң сигез көн эчендә түләү башкарыла. Бу кагыйдә бар заявкаларга да, шул исәптән ял көннәрендә тапшырылганнарына да кагыла. Мәсәлән, гариза 23нче майдан (шимбә) 25 майга (дүшәмбе) кадәр тапшырылган икән, димәк, ул 29 майга кадәр каралган.
Автор : Язгөл Сафина
Чыганак: www.bashinform.ru
Фото: magadan.bezformata.com
--- |
Иң күп укылган
|