|
|
Бүген кемнәр туган
|
|
Архив
|
28.05.2020 Мәдәният
Камал театрының сезон ябылу АФИШАСЫ29 майда Камал театрының вакыйгаларга бай булган 114нче сезоны ябыла. Сезне туры эфирда төрле программалар көтә: труппаның виртуаль җыелышы, театр буйлап онлайн-экскурсия, онлайн-лекция. Тарихта беренче мәртәбә, баш режиссер һәм директор бергә туры эфирга чыгып, үткән сезонга нәтиҗә ясаячак. Туры эфирда Камал театрының баш режиссеры, РФ һәм ТР атказанган сәнгать эшлеклесе, Г.Тукай исемендәге Дәүләт бүләге иясе, К.Станиславский исемендәге Халыкара премия лауреаты Фәрит Рәфкать улы Бикчәнтәев һәм М.Җәлил исемендәге Дәүләт премиясе иясе Илфир Ильшат улы Якупов үткән сезон нәтиҗәләре буенча чыгыш ясаячак. Җитәкчеләр икесе бергә туры эфирга чыгып, тамашачыларның сорауларына җавап бирәчәк. Театрны сагынучыларга араларны аз булса да якынайту өчен, сезон ябылу көнендә театр буйлап онлайн-экскурсия оештырыла. Татарстанның халык артисткасы, театр музее мөдире Луара Шакирҗанова махсус сезнең өчен бу көнне сәяхәт оештырачак. Россиянең борынгы милли театры хакында кызыклы фактлар беләсегез килсә, иртәгә 14.00 сәгатьтә безнең Инстаграмга кушылыгыз!
Көн азагында исә, сайтта kamalteatr.ru "Диләфрүз-Remake" спектакле трансляциясе була.
Туры эфирлар театрның социаль челтәрләрендә үтә, безгә язылырга онытмагыз.
--- |
Иң күп укылган
|