|
|
Бүген кемнәр туган
|
|
Архив
|
27.05.2020 Җәмгыять
Абау! Башкортстанда бер кыз сеңлесен тазда батырып үтергән. Дәрес хәзерләргә комачаулаганы өченКүрше Башкортстанның Салават шәһәрендә башка сыймаслык хәл булган. 11 сыйныфта укучы кыз бала 7 яшьлек сеңлесен тазда суга батырып үтергән. Сәбәбе шул кечкенә кызлары олы кызларына дәрес хәзерләргә комачаулаган. Мәрхүм булган бала ул чакта беренче сыйныфка гына барган була. Бу хәлләр 2019 елның сентябрендә була. Бүген исә Салават шәһәре суды олы кызны бер елга ирегеннән мәхрүм итте, дип хәбәр итә РИА Новости. Бу ике кыз баланың әниләрен бала тәрбияләү хокукыннан мәхрүм иткән булганнар. 2017 елдан алар апалары карамагында үскән. Әмма 2019 елда әлеге апаларына да башка төбәккә күчәргә туры килә. Һәм бу ике кызга опекунлыкны апаларының иптәш кызы ала. Бу иптәш кызының үзенең дә өч баласы булуга карамастан.
Суд “убийство по неосторожности” дигән маддә буенча олы кызны бер елга ирегеннән мәхрүм иткән. Әмма бу бер елны ул төрмә яки колониядә түгел, ә өйдә уздырачак. Опекун саналган кеше йортында, ягъни апасының иптәш кызында.
Күптән түгел Салават шәһәренә кызларның әниләре дә кайткан булган. Һәм кече кызының үлгәнен шул вакытта гына белгән.
--- |
Иң күп укылган
|