Сак булыгыз: өйдә озаклап утыру менә шундый җырлар китереп чыгарырга мөмкин
|
|
Бүген кемнәр туган
|
|
Архив
|
07.04.2020 Шоу-бизнес
Нәҗип Бәдретдинов коронавирус турында төртмәле җыр иҗат иткән"Җырлыйк әле!"нең авторы Нәҗип Бәдретдинов шушы шомлы көннәрдә дә җырламый булдыра алмый. Коронавирус турында төртмәле җыр иҗат иткән ул. Һәм шуны видеога яздырып "Матбугат.ру"га җибәрде. Җыр шактый төртмәле килеп чыккан. Укып та карагыз, тыңлап та карагыз: КОРОНАВИРУС.
Коронавирус диләрме, әллә Ковидмы?
Өйләренә куып кертте күпме халыкны.
Утырабыз ящик карап, куркуга калып,
Төчкергән саен кул юып, тәһарәт алып.
Бәлә ялгыз йөрми диләр, кризис та килер,
Күрерсез, пенсионер саны бермә-бер кимер.
Уйлана торгач, бер сорау борчый күңелне,
Бу кемнеңдер күптәнге хыялы түгелме?
Кыш булмады, Ходай кушып, бәлки җәй җитәр,
Кризис калыр, таҗлы вирус әкренләп бетәр.
Бәлки, көз мәктәпкә барыр кызлар, малайлар,
Булмаса да озатырга әби-бабайлар.
Бу шомлы, караңгы көннәр, һичшиксез, үтәр.
Яшәү шактый авырлашыр, тик дәвам итәр.
Төшенкелеккә бирелмик, дуслар, берләшик,
Вәхши сәясәт – вируска каршы көрәшик!
Нәҗип Бәдретдинов. 03.04.2020.
--- |
Иң күп укылган
|