“Мин киткәч тә, үксеп еламагыз” шигыре Роберт Миңнуллинныкы түгел, Рифат Сәлахныкы булып чыкты

Роберт абый Миңнуллин белән хушлашкан бу көннәрдә ватсапта, социаль челтәрләрдә, интернетта “Мин киткәч тә, үксеп еламагыз” дип башланган бик матур шигырь йөри. Ул бу кайгылы көннәргә аеруча актуаль, аваздаш. Тик бераз гына ялгышлык бар. Бу шигырь күп җирдә Роберт Миңнуллинныкы дип тәкъдим ителә. Чынлыкта ул Рифат Сәлах шигыре. “Матбугат.ру” хәбәрчесе мәсьәләнең очына чыкты.

 

 

 

 

Посмотреть эту публикацию в Instagram

 

 

 

 

 

 

 

 

 

Роберт абый гел шулай елмайганны ярата иде. Урының җәннәттә булсын! Фотода 27 декабрь 2019. Рифат СӘЛАХ Еламагыз Мин үлгәч тә, үксеп еламагыз, Сез бит лаек түгел еларга. Аллаһыга мең-мең шөкер итәм Сезнең белән үткән елларга. Мин үлгәч тә, үксеп еламагыз, Зая үтмәгәндер һәр көнем. Җан өләшкән бөек Раббыбызга Җирдә соңгы рәхмәт әйтүем. Мин үлгәч тә, үксеп еламагыз, Кирәк булыр изге догагыз. Каберемдә юк-бар сүзләр сөйләп, Коръәннән дә өстен булмагыз. Мин үлгәч тә, үксеп еламагыз, Җаным исән әле бүген дә. Үкенечләр калыр, гөнаһлар күп, Әзер тору авыр үлемгә. Мин үлгәч тә, үксеп еламагыз, Елау юкка хәзер, яшь әрәм. Дөнья авырлыгын ташлап китеп, Мәңге картаймаска яшәрәм. Мин үлгәч тә, зинһар, еламагыз!.. P. S. Безнең балачак аның шигырьләрен укып үтте. Хәзер ул балачакны югалттык. Бөтен буыныбыз белән. Иннә лилләһи вә иннә иләйһи раҗигун

Публикация от Рифат Сәлах (@rifat_salah) 26 Мар 2020 в 11:47 PDT

- "Еламагыз!.." дип аталган бу шигырьне мин берничә ел элек яздым, - дип сөйләде Рифат, - ул минем “Ак фәрештә” дигән китабыма да кергән. Китап 2017 елда Татарстан китап нәшриятында дөнья күрде.