|
|
Бүген кемнәр туган
|
|
Архив
|
21.03.2020 Шоу-бизнес
Фирдүс Тямаев концертлары күчерелү турында белдерү ясады: "Мин паникага бирелмим әле!" (ВИДЕО)Татарстанның атказанган артисты Фирдүс Тямаев концертлары күчерелү-күчерелмәү турында тамашачыларына белдерү ясады. Илдәге эпидемиологик хәлнең катлаулы булуы һәм 19нчы марттан 15нче апрельгә кадәр карантин игълан ителү сәбәпле концертлар графигы турында төгәл мәгълүмат әлегә юк. Мәдәният сарайларыннан хәбәр килүгә концертларның кайсы датага күчерелүен җырчы тамашачыларына үзе хәбәр итәчәк. Хәбәрдар булу өчен җырчының инстаграм сәхифәсен күзәтеп барырга киңәш ителә. Әлегә Түбән Кама, Яр Чаллы шәһәрләрендәге концертлар билгесез срокка кичектерелә һәм соңрак хәл ачыклангач, концерт буласы көннәр хәбәр ителер дип көтелә.
Уфада 23-27нче март көннәренә билгеләнгән концертлар 23-27нче майга күчерелә. Концерт билетларын кире кайтарырга да мөмкин. “Түзә алганнарыгыз шул билетлар белән алга күчерелгән концертларга керә аласыз. Мин әле үзем паникага бирелмим. Иң мөһиме, исән-сау булыйк”, - ди җырчы.
Сорауларыгыз белән концертлар буласы шәһәрләрдәге мәдәният сарайлары телефоннарына шалтыратып белешү дә комачау итмәс.
--- |
Иң күп укылган
|