|
|
Бүген кемнәр туган
|
|
Архив
|
12.03.2020 Дин
Мәчетләрдә намаз вакыты кыскартыла. Барысында да түгелКоронавирус таралу сәбәпле, Мәскәү мәчетләрендә намазлар 10-15 минут кына укылачак. Бу хакта «Татар-информ» хәбәрчесенә РФ Диния Нәзарәте рәисенең беренче урынбасары Дамир хәзрәт Мөхетдинов хәбәр итте. «Җомга намазларын укыганда, хөтбәләрнең берничә җөмләсен генә укып, сөннәтләрне калдырып үткәрәчәкбез. Намаз 10-15 минут булачак. Җомга намазлары үткәрелмәскә дә мөмкин. Вазгыять көн дә үзгәреп тора. Намазга кадәр һәм намаздан соң мәчеттә термаль эшкәртү ясала. Мәчеткә керүчеләрнең тән температурасын тикшерәбез. Аның өчен махсус аппаратлар сатып алдык. Бу чаралар, беренче чиратта, Җәмигъ мәчетенә кагыла, чөнки биредә биш мең кеше җыела», — ди агентлыкка Дамир хәзрәт.
Хәзрәтләр әлегә кул биреп сәламләшүне калдырып торуга өнди.
Фото: пиксабай
--- |
Иң күп укылган
|