|
|
Бүген кемнәр туган
|
|
Архив
|
29.02.2020 Тарих
Гөлчәчәк Нәҗипова: “Милли музей подвалында сувенирлар җитештерү эшен чынга ашырасы килә”Татарстан Республикасы Милли музееның генераль директоры, тарих фәннәре докторы Гөлчәчәк Нәҗипова журналист Андрей Кузьминның «Интервью без галстука» автор программасы кунагы булды. Әлеге тапшыруның видеоязмасы бүген дөнья күрде. Бай эчтәлекле, төрле темаларны үз эченә алган, кызыклы һәм үз эченә күп мәгълүмат сыйдырган әңгәмәне карап, музей дөньясында тагын бер ачыш ясарга мөмкин. Әңгәмә аркылы музей ничек көн күрә, ничек табыш ясый, елына күпме кеше музейга йөри, интернеттан бар нәрсәне белеп булган заманда ни өчен музейга барырга дигән һәм башка күп сорауларга җавап табарсыз. Гөлчәчәк ханым сүзләренчә музей – ул күңелле, бай дөнья. “Музей - күңелсез дигән уй хәзер искерде. Балаларны спортзалга йөрткән кебек, музейга да йөртү бик кирәкле эш. Балалар өчен музей – ул белем чыганагы һәм яхшы тәрбия. Казанга килгән туристларга да Татарстан белән, иң беренче чиратта, Милли музей аша танышырга, аннары гына Болгар, Свияжск кебек тарихи урыннарны карарга киңәш итәм”, - дип сөйли Гөлчәчәк Нәҗипова.
--- |
Иң күп укылган
|