Ильяс Халиков: "Дини концертлар куюның уңай нәтиҗәсе инде күренә"

“Мөнбәр” татар-дини театры Лаеш районында беренче дини концерт спектаклен куйды. Концерт, гадәттәгечә, югары рухта, матур узган. Ильяс Халиков сүзләренчә, авыл-районнарда дини концертлар куюның уңай нәтиҗәсе инде күренә. Җырчы авылларда иҗат сәфәрендә йөргәндә, халыкның дини белемен генә арттырып калмый, һәр сәфәрдән үзе дә ни дә булса өйрәнеп кайта.

Авыллар тарихлары белән кызыксына, кызыклы, уникаль шәхесләрне барлап, алар турында видеоязмалар төшерә. Шул нисбәттән, җырчы Кече Елга авылының килеп чыгу тарихы белән инстаграмдагы тамашачыларын да таныштыра:

“Кече Елга табигатьнең гүзәл почмагына урнашкан. Бер ягыннан Кама елгасы ага, икенче ягында калын урманнар, мул уңыш бирә торган иген кырлары-офыкларга кадәр сузылган. Авыл исеме барлыкка килү белән бәйләнешле риваятьне-авыл халкы менә болайрак сөйли. Болгар иле-илбасарлар тарафыннан җимерелгәч, ике бертуган егет дошманнардан качып бу якларга килеп чыгалар һәм шунда яшәп калырга уйлыйлар. Олы туган үзенә йортны бер җирдә сала, ә икенчесе өч чакрым ерактарак төпләнә. Олы туганының авылы - Олы Елга, ә кече туганыныкы – Кече Елга булып китә. Менә шушы авыл дини, тырыш, татар авылы буларак та билгеле. Рәхмәт безнең концерт-спектаклебезне карарга килгән Кече Елга халкына!” - дип яза Ильяс Халиков. 

 

 

 

 

Посмотреть эту публикацию в Instagram

 

 

 

 

 

 

 

 

 

Кече Елга табигатьнең гүзәл почмагына урнашкан. Бер ягыннан Кама елгасы ага, икенче ягында калын урманнар, мул уңыш бирә торган иген кырлары-офыкларга кадәр сузылган. Авыл исеме барлыкка килү белән бәйләнешле риваятьне-авыл халкы менә болайрак сөйли. Болгар иле-илбасарлар тарафыннан җимерелгәч, ике бертуган егет дошманнардан качып бу якларга килеп чыгалар һәм шунда яшәп калырга уйлыйлар. Олы туган үзенә йортны бер җирдә сала, ә икенчесе өч чакрым ерактарак төпләнә. Олы туганының авылы - Олы Елга, ә кече туганыныкы – Кече Елга булып китә. Менә шушы авыл дини, тырыш, татар авылы буларак та билгеле. Рәхмәт безнең концерт-спектаклебезне карарга килгән Кече Елга халкына!!!!

Публикация от Ильяс Халиков (@ilyas_halikov) 24 Фев 2020 в 12:39 PST