25.02.2020 Мәдәният

VI “Нәүрүз” Халыкара форумына гаризалар кабул ителә

2020 елның 8 -14 июнендә Казанда VI "Нәүрүз" Халыкара театраль белем бирү форумы үтә. Форумга гаризаларны теләсә кайсы театр коллективы, шулай ук, театр өлкәсендә эшләүче һәркем бирә ала: артистлар, режиссерлар, сценографлар, рәссамнар, хореографлар, менеджерлар, әдәби бүлек мөдирләре, журналистлар, театр тәнкыйтьчеләре һәм башкалар.

Гаризалар 2020 елның 1 апреленә кадәр Камал театры сайтында «Проектлар-Нәүрүз-Форум 2020» бүлегендә кабул ителә.

Форум кысаларында семинарлар, мастер-класслар, Россия һәм чит илдән килгән әйдәп баручы белгечләрдән 6 юнәлеш буенча лекцияләр:

1. Актерлык осталыгы һәм онлайн белем.

2. Режиссура теориясе һәм практикасы, сценография.

3. Менеджмент, PR-технологияләр һәм театр сәнгате өлкәсендә кануннар.

4. Актерлык сәнгате һәм курчак театры режиссурасы.

5. Театраль тәнкыйть һәм театрның әдәби бүлек эшчәнлеге.

6. Рәссам-технологлар һәм спектакль кую бүлеге.

VI "Нәүрүз" Халыкара театраль-белем бирү фестиваль-форумы Казан Дәүләт Мәдәният институты белән берлектә үткәрелә. Лабораториядән соң барлык катнашучыларга да дәүләт үрнәгендәге квалификация үсеше таныклыгы тапшырыла.

2020 елдан башлап, белем бирү программаларында катнашу түләүле. Форумга килгән чит ил һәм Россия катнашучылары өчен бер көн катнашу бәясе, түләү башкарылган көндәге милли валюта курсы буенча, 10 евро тәшкил итә. Түләү, форумда катнашу гаризасын тутырганнан соң, театр сайты kamalteatr.ru/projects аша башкарыла. Жыелган акчалар форумда катнашкан театр белгечләренең квалификация үсеше өчен тотылачак.

VI "Нәүрүз" Халыкара театраль-белем бирү фестиваль-форумы кысаларында 10-12 июньдә, "Киләчәкне киләчәк формалаштыра" девизы астында, "Киң мәйданда театраль белем бирү" дигән темага конференция үтә. Экспертлар өч көн дәвамында гибрид белем бирү концепциясен өйрәнеп, шул хакта фикер алышачак, шулай ук, онлайн белем бирү һәм сыйныфларда укыту буенча практик тәҗрибәләре белән уртаклашачак.

Әлеге конференциянең Халыкара кураторы ЮНЕСКО карамагындыгы Халыкара театр институты (ITI), AKT-ZENT Бөтендөнья театр тренингы институты. Конференция кураторы - доктор, профессор Юрий Альшиц (Германия). Конференция җитәкчесе һәм модераторы Кристин Шмэлор (Германия). Конференция буенча тулырак мәгълүмат әлеге сылтама буенча: AKT-ZENT https://www.theatreculture.org/ Сайт (ITI) ЮНЕСКО кысаларында: www.iti-unesco-network.org/

Форумны оештыручылар: Татарстан республикасы Мәдәният министрлыгы - Россия Федерациясе Мәдәният министрлыгы, Россия Федерациясе Театр эшлеклеләре берлеге, Татарстан республикасы Театр эшлеклеләре берлеге ярдәме белән. Форумны оештыру өчен Г.Камал исемендәге Татар дәүләт Академия театры жаваплы.

Форумны оештыру мәсьәләләре буенча элемтә өчен телефоны: 8(843) 293-24-25; сот. +7 916 507 60 04 (Топорова Алия Равил кызы).

Белем бирү программасы буенча телефон: 8(962)563-99-32 (Игъламов Нияз Рәүф улы).

---
Камал театры
№ --- | 25.02.2020