• 21.08 "Сүнгән йолдызлар" спектакле. Камал театры. 19:00
  • 27.08 "Килә ява..." спектакле. Камал театры. 19:00
  • 28.08 "Әтәч менгән читәнгә". Камал театры. 19:00
  • 29.08 "Бию пәрие". Камал театры. 18:00
  • 29.08 "Казан кичләре". Филармония. 18:30
  • 30.08 "Кырыкта да кызыкта. Мунча ташы". Филармония. 18:30
  • 06.09 Хәмдүнә Тимергалиева. Өстәмә юбилей концерты. УНИКС. 17:00
  • 18.09 Рифат Зарипов концерты. УНИКС. 18:30
Туган көннәр
  • 12 Август Гамирҗан Дәүләтшин
  • 12 Август Миңнәхмәт Сәхапов
  • 13 Август Луиза Янсуар
  • 13 Август Айдар Шаһимәрданов
  • 14 Август Сәгыйть Сүнчәләй (1889-1937)
  • 14 Август Мирфатыйх Зәкиев
  • 15 Август Рөстәм Мингалим
  • 16 Август Рөстәм Яхин (1921-1993)
  • 16 Август Нур Алиев
  • 16 Август Рафаэль Латыйпов
  • Казанда үзем үстергән бройлер чебие ите сатам, яртышарлап бүленгән. 1 кг - 250 сум. Бер чеби 3 кг тирәсе. Күп түгел, үземнән артканын гына. 89510679470
  • Братьев Касимовых 22/7 (рынок мавлютова) адресы буенча иптэшкэ бер егет кертэм. 89274433797.
  • Автолюлька от 0 месяца, ходунки, детская одежда по приемлемый цене. Актаныш. 89625646471
  • Печэн чабам, кысам, ташыйм 89625704993. Актаныш.
  • Казан шэхэре Проспект Победы урамында 2 булмэле фатирнын бер булмэсен арендага бирэм. 7 мен + счет фактура. +7 917 873-82-13
  • Гөбәдия өчен яңа ясалган корт (тура, кызыл эремчек)сатыла. 1 кг -500 сум. 89520443330 (Казан)
  • Казанда Горьковское шоссе урамында (ост. Можайский) бер бүлмәле фатир озак вакытка арендага бирелә. Яшәү өчен барлык жихазлар да бар, кирпеч йорт, индив. отопление, Собственник. Айлык тулэу: 12500+к.у. тел.89172516412
  • Казанда,п-т Победы 139а к2 адресы буенча бер булмэле фатир арендага бирелэ.41кв.м. Яна ремонт,яна мебель хэм техника.17+ к/у.Озак вакытка. фотоларны ватсаптан жибэрэ алам. тел. 8-927-407-66-80
  • Казанда Грузчик, Газель хезмэте курсэтэбез! 24/7. 89196271171
  • Тиз арада,бергэ квартира снимать итэргэ акыллы татар кызы эзлим.Кварталда.89393079089

 
 

 
Архив
 

               

14.02.2020 Милләт

Дөньяда иң матур тел

7 - 10 февральдә Казанда татар теле һәм әдәбияты буенча IV төбәкара олимпиада узды. Анда Россиянең 21 регионыннан 163 бала катнашты. Самара өлкәсеннән бәйгедә “Яктылык” татар мәктәбе укучылары Айтурган Осмонова, Алия Гыйматдинова, Алия Биксалиева, Билал Газизов, Данир Вагыйзов, Илназ Гарипов һәм Исламия Гарипова (укытучылары Нурзидә Фәйзуллина һәм Фәния Гыйлаҗева), Похвистнево районының Гали авылыннан Айрат Сәлимов һәм Шенталы районының Денис авылыннан Айдар Фәләхов һәм Диләрә Идиятуллина катнаштылар.

- Чара, һәрвакыттагыча, югары дәрәҗәдә оештырылган иде. Ел саен катнашканлыктан, оештыручылар да безне беләләр. “Ничек килеп җиттегез?” - дип, туганнарча бик җылы каршы алдылар, шәһәр үзәгендә урнашкан “Регина” кунакханәсенә урнаштырдылар.
 
Олимпиада 27 санлы гимназиядә узды. Балаларны, сыйныфлары буенча төркемнәргә бүлеп, төрле классларга утырттылар. Татар теленнән язма эшләр тест формасында үтте. Мәсәлән, бирелгән сүзләргә тамырдаш сүзләр табарга, җөмләдә аерып бирелгән исемнең килешен билгеләргә, рус телендәге җөмләләрне татарчага тәрҗемә итәргә кирәк иде. Бу биремнәр балаларда әллә ни зур кыенлык тудырмады. Шул ук көнне ТАССРның 100 еллыгына багышланган иҗади бәйге узды. Балалар Татарстан турында шигырьләр сөйләделәр. Бу бәйгедә җиңүчеләр арасында Гали авылы укучысы Айрат Сәлимов та бар иде.
 
Ә икенче көнне укучылар татар әдәбияты буенча сынау үттеләр. Самара өлкәсе укучылары, барлык бәйгеләрдә дә яхшы нәтиҗәләр күрсәтеп, төбәкара олимпиада призерлары исеменә лаек булдылар һәм Халыкара бәйгедә дә катнашачаклар. Ә Гран-при бүләген Башкортостан Республикасы һәм Төмән өлкәсе укучылары яуладылар.
 
Гомумән, мондый чараларда даими катнашырга кирәк. Алар балаларда ана телен өйрәнүгә теләк уята, дип саныйм. Укучыларга да андый бәйгеләр ошый. Беренчедән, берничә көнгә булса да, чын татар мохитына чумалар. Икенчедән, яңа дуслар табалар, - дип сөйләде Денис авылы мәктәбенең татар теле укытучысы Нурсинә Хаматшина.
 
 
- Бәйгеләрдән тыш, оештыручылар бай һәм кызыклы мәдәни программа әзерләгәннәр иде. Габдулла Кариев исемендәге Яшь тамашачылар театрында - “Супер кияү”, ә икенче көнне Галиәсгар Камал исемендәге татар Дәүләт академия театрында “Эх, алмагачлары” спектакльләрен карадык. Балалар “Шаян ТВ”, “Сәләт” яшьләр үзәге вәкилләре, “Караш” төркеме белән очраштылар.
 
Татарстанның Халыклар дуслыгы йортында үткән бүләкләү тантанасы да күңелдә зур тойгылар калдырды. Тантанада Татарстанның Мәгариф һәм фән министрлыгының беренче урынбасары Илсур Һәдиуллинның, Татарстан Язучылар берлеге рәисе Данил Салиховның һәм Бөтендөнья татар конгрессы Башкарма комитеты җитәкчесе урынбасары Илгиз Халиковның катнашуы чараны тагын да дәрәҗәлерәк итте.
 
Оештыручылар җиңүчеләргә дә, призерларга да дипломнар һәм бүләкләр тапшырдылар.
 
Кунакханәдә миңа Свердловск өлкәсе Әртә районының Манчаш Тамак авылы мәктәбе татар теле укытучысы Дамир Каюмов белән бер бүлмәдә яшәргә туры килде. Дамир әфәнде Сверловск өлкәсендә бүген 21 мәктәп булуы, шуларның 18ендә татар теле укытылуы турында сөйләде. Прокурор тикшерүләреннән соң да өч мәктәпнең уку планында атнасына өч сәгать татар теле дәресе сакланып калган. Ә Самара өлкәсендә бары тик 13 мәктәптә генә татар теле дәресләре укытыла. Аның да күбесендә факультатив дәрес буларак кына. Безнең Гали авылы мәктәбендә татар теле дәресләре атнага ике тапкыр керсә дә, балаларга программаны тулысынча үзләштерү өчен бу аз, дип саныйм. Бәлки шуңа да язма эшләрдә укучыларыбыз җиңүчеләр рәтендә була алмагандыр. Шулай да, киләчәктә алар яңа үрләр яуларлар, дип өметләнәм. Олимпиада биремнәрен карап, балалар белән эшләгәндә басым ясарга кирәк юнәлешләрне дә исәпкә алдым”, - дип сөйләде Гали авылы мәктәбе укытучысы Искәндәр Латыйпов.
 

Алия АРСЛАНОВА
Бердәмлек
№ --- | 14.02.2020
Бердәмлек печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте