|
|
Бүген кемнәр туган
|
|
Архив
|
11.02.2020 Тарих
Милли музейга “Моабит дәфтәрләре көне”ндә бушлай кереп булачак15 февральдә ТР Милли музеенда "Моабит дәфтәрләре көне" узачак. Программада каралганча, сәгать 11:30да 1 Май Мәйданындагы М. Җәлил һәйкәленә чәчәкләр салачаклар. Тантананың кереш өлешендә Н.Г. Җиһанов исемендәге Казан дәүләт консерваториясе студенты, Г. Кариев исемендәге Татар дәүләт яшь тамашачы театры актерларының «Тик булса иде ирек…» дип аталган чыгышлары көтелә. Сәгать 12:00дә - чараның тантаналы өлеше, 12:10да Муса Җәлилнең Моабит дәфтәрләрен чыгарачаклар. Искә алу чарасы бер минут тынлык һәм Татарстан Республикасында Гомумроссия халык фронтының Төбәк штабы җитәкчесе, Татарстан Республикасы «Отечество» берләшмәсе төбәк иҗтимагый яшьләр оешмасы советы рәисе Коноплев Александр Юрьевичның сәламләү сүзе белән дәвам итәчәк.
Сәгать 12:30да «Җәлил укулары» башланачак, Халыкара әдәби шигырь укучылар конкурсы финалистлары шигырьләр укыйлар. Оештыручылары - Бөтендөнья татар конгрессы, Татарстан Республикасы Мәгариф һәм фән министрлыгы, Татарстан Республикасы Язучылар берлеге.
Соңрак «Маяк булып киләчәк буыннарга яктырып...» Казан театр училищесы студентларының әдәби-музыкаль композициясе, «1941-1945 еллардагы Бөек Ватан сугышы чорындагы ату кораллары» чаралары үтәчәк. Совет һәм немец ату коралын күрсәтү белән реконструкторлык дәресен дә күреп булыр дип көтелә.
Көн дәвамында: барлык экспозицияләр, «М.Җәлил. Тарихларда укып ятларлык», «Батыр үлә, үлмәс ат алып...» күргәзмәләре, сувенир кибете, буфет эшли. Сәгать 12:00дән 14:00гә кадәр музейга керү бушлай булачак.
Белешмәләр өчен телефон: +7 (843) 292-89-84
Безнең адрес: 420111, Казан шәһ., Кремль урамы, 2нче йорт.
--- |
Иң күп укылган
|