|
|
Бүген кемнәр туган
|
|
Архив
|
16.01.2020 Шоу-бизнес
Фирдүс Тямаев 8 сәгать буена концерт куйганФирдүс Тямаев Ульяновск шәһәрендә сигез сәгать буе концерт куйган. Бер көндә рәттән ике сеанс концерт тоташ барган дисәк тә була, чөнки арасында бер сәгать тә тәнәфес булмаган. Гадәттәгечә, Фирдүс Тямаев концертында бөтен зал бии, җырлый. Сигез сәгатьлек концерт тәмам булгач та, залдагы тамашачы Фирдүсне җибәрмичә тора, пәрдә төшкәч тә, сәхнә артында җырлавыннан туктый алмый җырчы. Аңа сокланып: “Ничек чыдыйсыз?”, - дип бирелгән сорауга, ул: “Аллага шөкер, Аллаһ ярдәм бирде”, - дип җавап бирә. “Ульяновск! Ике көнгә өч концерт! Супер! Бик матур булды! Ульяновск тамашачысына бик зур рәхмәт. Төркемемдәге егетләргә-кызларга бик зур рәхмәт”, - ди Фирдүс Тямаев концерт ахырында. Концерт буе тамашачыларның кәефен күтәренке рухта тоткан, хәлдән тайганчы күңел ача торган концертлары белән аерылып торган җырчының уңай энергетикасы видеоязмадан да күренә.
Алдагы көннәрдә Фирдүс Тямаев һәм аның иҗат төркеме гастрольләр белән Россия шәһәрләре, Татарстан районнарында чыгыш ясый. Февраль ахырына Яр Чаллыда 10 көн концерт билгеләнгән. 29 февраль - 9 март көннәрендә ул Казан тамашачысы өчен җырлаячак.
--- |
Иң күп укылган
|