|
|
Бүген кемнәр туган
|
|
Архив
|
13.01.2020 Шоу-бизнес
Фирдүс Тямаев чаң суга: өч дусты үзенә кул салган (ВИДЕО)Татарстанның атказанган артисты Фирдүс Тямаев комарлы уеннар проблемасын күтәреп чыкты. «Бүген иртән хәбәр килде — өченче дустым үзенә кул салган», — дип тамашачыларына мөрәҗәгать итә җырчы. Ул комарлы уеннар белән мавыгучы яшьләрне тикшерергә, банклардан займ, бурыч алганмы-юкмы ачыкларга һәм мондый кешеләрне дәваларга чакыра. «Балаларыгызны тикшерегез. Телефон аркылы ставка куялар. Кемдер футбол уйный, кемдер нәрсә. Банк карточкасын кертәләр дә, ставка куеп уйныйлар. Ул игромания наркотиктан да начаррак.
Әти-әниләр, сизсәгез, балаларыгызга акырмагыз, сүкмәгез, кул күтәрмәгез. Җайлап кына психологларга, мәчетләргә алып барыгыз. Кемнең ире уйный, аерылырга ашыкмагыз. Ул уен кешене зомбилаштыра.
Без бер-беребезгә ярдәм итсәк кенә, бу проблемадан чыга алабыз. Аллаһы Тәгалә юлыннан чыкмагыз. Кемнәр уйный — уйлагыз, аның өчен теге дөньяда җавап бирәсе бар. Әти-әниләрегез, балаларыгыз турында уйлагыз», — ди Фирдүс Тямаев.
--- |
Иң күп укылган
|