|
|
Бүген кемнәр туган
|
|
Архив
|
12.01.2020 Хәйрия
Минтимер Шәймиев Казанда яшәүче Антонның Яңа ел хыялын чынга ашырдыТатарстан Дәүләт Киңәшчесе Минтимер Шәймиев Казанда яшәүче 17 яшьлек Антон Насретдиновның яңа ел хыялын тормышка ашырды, аңа компьютер бүләк итте. Бу хакта ТР Президенты матбугат хезмәте хәбәр итә. Минтимер Шәймиев декабрьдә ТР Дәүләт Советы утырышы алдыннан «Теләкләр чыршысы»ннан Антонның хыялы язылган открытканы алды. Открыткада ноутбук иде, ләкин егет бүләккә күпкә уңайлырак Lenovo IdeaCentre A340 моноблогы алынды, анда тавыш ярдәмчесе һәм Microsoft Offfice да куелган, дип яза "Татар-информ".
Татарстан Дәүләт Киңәшчесеннән бүләкне һәм котлау открыткасын Антонга һәм аның әнисе Ольгага ТР Президенты Аппараты җитәкчесе урынбасары — ТР Дәүләт Киңәшчесе секретариаты җитәкчесе Олег Глебов тапшырды.
«Теләкләр чыршысы» акциясен Татарстанда 2014 елда старт алган «Минем белән хыяллан» Бөтенроссия хәйрия проекты оештыра. Аның кысаларында ата-ана тәрбиясеннән мәхрүм яки кереме яшәү минимумыннан түбән булган гаиләләрдәге балаларның, шулай ук сәламәтлеге буенча мөмкинлекләре чикләнгән 60 яшьтән өлкәнрәк пенсионерларның балалары теләкләре үтәлә.
--- |
Иң күп укылган
|