|
|
Бүген кемнәр туган
|
|
Архив
|
23.12.2019 Әдәбият
Әмирхан Еникинең олы кызы Резидә Тюменева вафатКүңелсез хәбәр: озакка сузылган каты авырудан соң танылган татар язучысы Әмирхан Еникинең олы кызы Резидә Тюменева вафат булган. Бу хакта язучының кече кызы Флера Карташева хәбәр итә. Быел октябрь аенда гына Резидә Әмирхановнага 85 яшь тулган иде... Резидә Тюменева - Әмирхан Еникинең әсәрләрен оригиналда укыган, аның архивын тәртипкә салып, дәүләткә тапшырган шәхес. Язучының гомер соңында сеңлесе белән бергәләп әтиләре янәшәсендә булган, аңа иҗат итәр өчен уңайлык тудырган, янына килгән күпсанлы әдипләрне, журналистларны кабул итәргә булышкан. "Матбугат.ру"га билгеле булганча, мәрхүмә белән хушлашу иртәгә, 24 декабрь көнне, 11:30да Казанның Чехов урамы 53нче йорт адресы буенча узачак. Резидә Тюменева Яңа бистә татар зиратында җирләнәчәк.
--- |
Иң күп укылган
|