|
|
Бүген кемнәр туган
|
|
Архив
|
14.12.2019 Фаҗига
“Бабайлык” күренеше Генштабта да барДүрт ай хезмәт иткән солдат Рамил Шәмсетдинов офицерларны, контракттагыларны, хезмәттәшләрен атып үтергәч, кулга алганда каршылык күрсәтмәгән. Беренче сорау алганда ук, кылган гамәлләре өчен үкенмәвен белдергән... Саклану министрлыгы шунда ук фаҗигане солдатның шәхси проблемасына бәйле булуы белән аңлатырга тырышты. Әмма күп тә үтмәде, “башлангыч сәбәбе – уставтан тыш мөнәсәбәтләр” дигән нәтиҗә белән подполковник Кукалевич кул куйган документ калкып чыкты.
Забайкальедагы сигез кешене атып үтерүченең шәхесе аны белгән кешеләрне бик нык аптырашта калдырган.
– Ул болай гына моны эшләмәс иде, берничек тә! Димәк анда хәлләр шәп булмаган, тыныч холыклы егет үзен кимсетүләргә башка түзә алмаган, – ди Рамилнең авылдашы, Төньяк Вагай авылында физкультура укытучысы Сергей Ламинский.
– Барлык походларда катнашты, биш көн табигатьтә булган идек, – дип искә ала мәктәптә тормыш иминлеге нигезләре фәнен укытучысы Семен Зәйнуллин. – Хәтерлим әле, походта чагында кызларны еланнан коткарган иде. Һәрвакыт ягымлы, лидер булды. Гаиләләрендә өч абыйсы бар, әтиләре аларны ялгызы тәрбияләп үстерде. Гаилә башлыгы элек милициядә, МЧСта хезмәт итте. Рамил үзе дә хәрби хезмәтне сайларга хыялланды: “Армиягә барам, контракт төзеп шунда калачакмын”, – дип йөрде.
“Бераз акча җыйгач, үзем частьларына барып, нәрсә булганын ачыкларга телим. Күпме вакыт узды, командованиедән ник берсе чылтыратсын. Мин улымны шакаллар арасына түгел, Ватанга хезмәт итәргә җибәрдем. Билгеле, һәлак булучылар кызганыч, кеше үтерүне якламыйм. Ничек булдыра алса, шулай каршы торгандыр”, – ди солдатның әтисе Сәлим Шәмсетдинов.
Мәктәптә укыганда Рамил Пятково авылы янында узган“Ватанга хезмәт итәм” фестиваленең җәйге сменаларында катнашкан. Бервакыт аның турында хәтта җирле газетада да язганнар: “Мин бу лагерьга бишенче тапкыр киләм, – дип уртаклашты 14 яшьлек Рамил журналист белән. – Шушы еллар эчендә төрле районнардан килгән дусларым күбәйде. Балачактан хәрби хезмәт турында хыялланам, мәктәптән соң хәрби училищега керәчәкмен”.
– Шундый хәлгә җиткерергә кирәк бит! – ди Солдат аналары комитетының сәркатибе Валентина Мельникова. – Шәмсетдинов хезмәт иткән Чита өлкәсе турында күптән начар хәбәрләр ишетәбез. Солдатларны кирпеч заводына коллыкка саталар, юкка чыгучылар да бар. Әлбәттә, моңа командование гаепле.
Шәмсетдинов һәм аның корбаннары атом-төш сугыш-кирәк яракларын эксплуатацияләүче частьта хезмәт иткәннәр. Башбаштаклыклар шундый билгеле урынга кадәр барып җиткән!
– Объектларның мөһимлеге мондый хәлләрдән коткара алмый, – диде Мельникова. – Хәтта Мәскәү үзәгендәге Генштабны саклау бригадасыннан да шикаятьләр бар. Туганнары килгәч, каравылга куялар. Башка частьларда акчаларын алалар, кимсетәләр, мыскыл итәләр, йоклатмыйлар. Совет чорында ук берничә тәүлек йокламаган солдатның бөтен погранзаставаны атканы мәгълүм. Шәмсетдиновтан моңа кадәр күпме тәүлек рәттән нарядта булуын, күпме йоклаганын сорарга кирәк. Частьларында психологның эшен тикшерергә, нарядтагы офицерның квалификациясен ачыкларга кирәк. Ни өчен шулай эшләгәннең төп сәбәбе шуннан соң гына беленер.
Рамилнең якташлары, Төмән өлкәсе яшьләре “Бабайлык бетсен!” шигаре астында имзалар җыя башлаганнар.
– 2010-12 елларда без мондый ямьсез күренешләрне оныта башлаган идек, – ди Валентина Мельникова. – Әмма 2013 елдан башбаштаклыклар яңадан күренә башлады. “Бабайлык” юк диярлек. Әмма офицерлар ягыннан солдатларга карата “дуңгызлык” очраклары ешайган. Бигрәк тә Ерак Көнчыгыш һәм Украина белән чиктәш частьлардан мондый күңелсез хәлләр еш ишетелә.
«Собеседник».
--- |
Иң күп укылган
|