|
|
Бүген кемнәр туган
|
|
Архив
|
13.12.2019 Мәдәният
Казанда Венгрия киносы көннәре башланды
Казанда 13-15 декабрьдә - Венгрия киносы көннәре! Бары тик өч көн дәвамында Венгрия режиссерлары тарафыннан соңгы елларда төшерелгән иң яхшы фильмнарны тамаша кылырга мөмкин. Фильмнарны башкаланың "Мир" кинотеатрында күрсәтәчәкләр. Венгрия киносы көннәрен бүген 18:00 сәгатьтә атаклы режиссер Паль Шандорның «Бродячие артисты» картинасы ачып җибәрәчәк.
Иртәгә, 14 нче декарьдә исә бер көндә ике фильм карау мөмкинлеге бар. Кичке биштә «Грабитель Виски» фильмы эстафетаны дәвам итәчәк. Ул чынлыкта булган вакыйгаларга нигезләнеп төшерелгән. Аннан соң 18:15 сәгатьтә «Полусвет» фильмы күрсәтеләчәк. Әлеге картинаның эчтәлеге куркыныч җинаять эшендә катнашкан өч хатын-кызның тормышы турында.
Венгрия киносы көннәре 15 декабрьдә яшь режиссёр Давид Спах тарафыннан төшерелгән «Гедеон Рихтер. Жизнь ради жизней» документаль фильмы белән төгәлләнәчәк.
Кино яратучылар өчен башкалабызда менә шундый мөһим вакыйгалар көтелә. "Мир" кинотеатрына рәхим итегез!
--- |
Иң күп укылган
|