16.10.2019 Шоу-бизнес

Айваз Садыйров: "Өйләнгәч, сөйләнүсез булмый икән"

«Татар радиосы» баш мөхәррире Айваз Садыйровның өйләнүе турында язган идек. "Матбугат.ру" алдан хәбәр иткәнчә, туй 13 октябрьдә Казанның "Туган авылым" комплексында узды. Ә никахны 29 сентябрь көнне Арчада укыттылар.

Инде менә Айваз "камыт кигәннең" беренче көннәреннән алган хис-тойгылары белән уртаклаша.

"Өйләнү - түгел ул сөйләнү. Тик өйләнгәч, сөйләнүсез булмый икән. Сөйләгәннәргә, котлаганнарга, сүккәннәргә, мактаганнарга, хурлаганнарга - һәммәгезгә дә рәхмәт, иптәшләрем. Тормышымның бу этабына мин бик кәнәгать вә шат булып кердем", ди ул.

Кәләш Алинә исемле. Айваз үзенең бәхетле көне турында “Матбугат.ру” хәбәрчесенә дә сөйләде, хисләре белән уртаклашты. Алинә нинди өлкәдә хезмәт куя дигән сорауга “Әлегә аның төп эше минем хатын булу” диде ди-джей. Яшьләр ел ярым очрашып йөргәннәр. “10 ел элек бер озатып куйган булганмын. Анысын үзе әйтте. Так что башыннан алып хәзергә кадәр 11,5 ел очраштык дияргә була. 10 еллык пауза белән”, – дип сөйләгән иде Айваз шаярып.

Посмотреть эту публикацию в Instagram

Өйләнү - түгел ул сөйләнү. Тик өйләнгәч, сөйләнүсез булмый икән. Сөйләгәннәргә, котлаганнарга, сүккәннәргә, мактаганнарга, хурлаганнарга - һәммәгезгә дә рәхмәт, иптәшләрем. Тормышымның бу этабына мин бик кәнәгать вә шат булып кердем. Моңа сәбәбләр һәм сәбәбчеләр бар чөнки: @chulpanka663 көнең, төнең аямый, бәйрәм онытылмаслык булсын дип чаптың, ут чыгардың, миңа түздең; @fail_safi безнең тынычлык һәм вакытны саклап, мәшәкатьне үз өстеңә алдың; @ilnaz_garipov бәйрәм якты, төсле, көчле яңгырасын дип, чын дуслыкны расладың; @renat_gali_askar йокыларың качырып, яздың-сыздың, киң җилкәң бн ышыкладың; @saffarka антларыбызны эчереп, мәңге аерылмаска өндәдең; @aiz_mannapova кичебез затлы күренсен дип, күңел чәчәгең сибеп үстердең; @alinok зәвыкъ - бәйрәмнең девизы булып яңгарасын дип, хыялларың белән уртаклаштың; @dilyara.zamaltdinova матурлык чын йөзен күрсәтсен дип, күңел назыңны бирдең; @desert_boutique кичә татлы ноталар бн бизәлсен дип, тырыштың; @balmay_bairam - @rafilga @marsel_mahmutov тантана кабатланмас үтсен дип, сүз һәм осталык капчыкларыгызның иң тирәннәрен бушаттыгыз; @zoorzoom - @nurgaliev_ilnar @sharifzyanov тарих шушы гаиләнең юл башын матур истә калдырсын дип, вакытыгыз, сәләтегезне җәлләмәдегез; @tugan_avilim @nikah_tatarstan сый-нигъмәт мулдан булсын дип, югары хезмәт күрсәттегез; @_gulnaz_sultanova_ @rayazfasikhov @danir_sabirov87 @zaynabfarhetdinova @ilnaz.official @salavat_minnikhanov @guzelem_official @djradik @ilsiiabadretdinova @hamdouna_timergalieva_official @zulfat_zinnurov @abri_xabrieff @daliofficial җыр һәм гүзәллек кичәнең юлдашы булсын дип, зур ихтирам күрсәттегез. ________________________________ Алинәм, яшәешем мәгънә һәм ямь алсын дип тормышыма килеп кердең. Рәхмәт Сезгә - һәммәгезгә!

Публикация от Айваз Садыров (@aivazsadyrov) 15 Окт 2019 в 10:57 PDT

---
Матбугат.ру
№ --- | 16.10.2019