ГАУРАНГА – УҢЫШ КИТЕРҮЧЕ "ВИЗИТКА" ЯКИ ВИЗИТКА КИТЕРҮЧЕ УҢЫШ!

 

- Әлбәттә, кеше! Әхмәтов Ирек Әхмәт улы булам, миңа 52 яшь. Йолдызнамә буенча Чаян, Әтәч елында туганмын. Шуңа күрә кыланырга, үземне күрсәтергә яратам да инде.

 

 

- Полиграфия һәм реклама белән - гомер буе. 80 елларда ул чакта бик популяр булган стена календарьлары эшләдек. Бездәге “Тасма” оешмасы илдә иң яхшы фотопленка чыгара иде. Ул чорда ак, шома кәгазьгә коточкыч кытлык булды. Шулай да аны юнәтеп, календарьлар ясап, бик зур табыш ала торганнар иде. Чөнки үзгәртеп кору чоры бит, халык яңалыкка сусаган. Календарьны чыгару 30 тиенгә төшә, 90 тиенгә саталар. Мин ул заманда Борис Гребенщиков, Любовь Полищук, “ДДТ” төркеменә һ.б. рус йолдызларына календарь ясап бирдем. Рок-музыкантларның түләр акчасы булмаса да, популярлыклары бар – ике якка да файдалы булсын өчен ул календарьларга магнит ленталары турында мәгълүмат, ягъни реклама куя идек. Мәскәүдәге матурлык бәйгеләрен оештыручылар да гел мөрәҗәгать итте. Конкурсанткаларның фотоларыннан календарьлар ясарга заказлар күп булды. “Мисс-фото СССР”, “Мисс-реклама СССР” халыкара фотоконкурслар оешмасының әгъзасы идем. Казандагы “Лик” мода театры белән тыгыз элемтәдә булдык. 2003-2008 елларда “Fly-cards” реклама компаниясенең коммерция директоры булып эшләдем.

 

 

- Күптәннән Гауранга инде мин, бу минем икенче исемем. Санскрит телендә “уңыш китерүче” дигән мәгънәгә ия.

 

 

- Реклама – куәтле нәрсә. Бигрәк тә телевидениедә, интернетта нәтиҗәле ул. Кризис булганга, күпләр рекламага акча таба алмый. Буклетлар кыйммәткә төшә. Ә визиткалар арзан да, уңайлы да. Таратучы да үзе белән авыр йөк ташып йөрми, кабул итүченең дә күп урынын биләми. Кыскалыкта – осталык. Аларга тискәре караучылар сирәк. Бар, ләкин сирәк. Гадәттә, минем визиткаларны көтеп торалар, җыялар. Бер атна килми торсам, килеп керүгә яңалары бармы дип үзләре сорый. Чөнки аларны сюжетлы итеп ясыйбыз, кызыклы комикслар килеп чыга. Кызык-мызыклар уйлап табарга минем фантазиям бар, заказ бирүче дә үзенең теләкләрен әйтә. Аннары дизайнер белән бергә утырып эшлибез.

 

 

- Иртә белән типографиягә киләм, заказлар бирәм, аның үтәлешен күзәтәм,әзер продукцияне алам. Моңа 30-40 минут вакыт китә. Аннары сәфәргә кузгалам. “Тандем”, “Парк Хаус”, “Кольцо” сәүдә үзәкләрендә, төрле редакцияләрдә, күргәзмәләрдә, мәдәни чараларда булам. Кыскасы, мин кермәгән урын юк диярлек. Визиткаларны каядыр куеп китмим, кешеләрнең кулларына тоттырам. Шул исәптән директорларга, аларның ярдәмчеләренә дә. Шулай итеп, бер уңайдан заказлар да җыям. Ломбардлар, матурлык салоннары, рестораннар, такси оешмалары белән хезмәттәшлек итәм. 

 

 

- Мин холкым буенча бер урында озак вакыт утырып тора ала торган кеше түгел. Бик хәрәкәтчән, җәяү йөрергә яратам. Әлбәттә, ераграк аралар булса, җәмәгать транспортында йөрим, юл уңаеннан илтеп куючылар да очрап тора. Җәяү йөрү миңа бик рәхәт.

 

 

- Әйе, андыйларны узган елның августыннан бирле ясатам. Визиткадагы фотода мин бар икән – тиражның яртысын үзем бушка таратып бирәм. Бу минем шундый үзенчәлекле тәкъдимем.Заказ бирүче дә канәгать.

 

 

- Нәрсә рекламалауга карап инде. Кыйммәтле техника, яхталар сатуга бәйле икән, әлбәттә, премиум класс вәкилләренә бирәм. Ә менә такси визиткаларын һәркемгә, чөнки шәһәребездә яшәүчеләрнең 99 процентына кирәк булырга мөмкин. Кондиционерлар тәкъдим итә торганнарын урта һәм югары керемле кешеләргә таратам.

 

 

- Юк дип беләм. PR-агентлыклар шактый, ә минем шикелле “ялгыз вездеход”лар юк.

 

 

- Минем өчен беренче урында акча эшләү түгел. Иң мөһиме – аралашу, бер урында таптанып тормау.