|
|
Бүген кемнәр туган
|
|
Архив
|
09.08.2019 Шоу-бизнес
ДДТ төркеме лидеры Юрий Шевчук гаиләсе кайгы кичерәЮрий Шевчукның әнисе вафат булган. Фәния Әкрам кызына 95 яшь тулыр иде. Бүген төнлә ул бакыйлыкка күчкән. Танылган улы ашыгыч рәвештә Уфага кайтып җиткән. Фәния апа турындагы мәкалә "Кызыл таң" гәзитендә дөнья күргәч, без аның белән аралашып тордык, дип яза басма. БДПИның сәнгать-графика факультетында укыткан, танылган рәссам буларак. ул олыгайган көнендә дә кулыннан каләм, пумаласын төшермәде. Үзенең портретын безгә дә бүләк иткән иде.
Тумышы белән Благовар районыннан булган Фәния апаның нәсел тамырлары Кушнаренко районында да бар. Ул үтә кешелекле, гади, зыялы, ихлас кеше булып хәтергә уелды. Улы белән булган яхшы хәлләрне дә, начарларын да яшермичә сөйли иде. Аның рухи терәге була алуына сөенде. Улы да аны бик кадерләп, хөрмәт итеп яшәде. Санкт-Петербургта аның картиналарыннан күргәзмәләр оештырды, үзен дә кунакка еш чакырды.
Дөньяга танылган шәхесләр тәрбияләгән татар хатыннары аз түгел. Фәния апа да шундый затлы аналарның берсе иде. Урыны җәннәттә булсын.
--- |
Иң күп укылган
|