поиск новостей
  • 05.12 "Цацика идет в школу", 6+, Кариев театры, 13:00
  • 05.12 "Шобага", 12+, Кариев театры,18:00
  • 11.12 «БОЛГАР РАДИОСЫ»НЫҢ IX МИЛЛИ МУЗЫКАЛЬ ПРЕМИЯСЕ ОНЛАЙН! "ТНВ-ТАТАРСТАН" һәм "ТНВ-ПЛАНЕТА" телеканалларында!
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 05 Декабрь
  • Фәүзия Бәйрәмова - язучы, җәмәгать эшлеклесе
  • Җәвит Шакиров - шоумен
  • Эльмира Җәлилова - шагыйрә
  • Айзилә Батырханова - журналист
  • Владимир Менделевич - табиб
  • Виталий Булатов - рәссам
  • Агач өйгә тәрәзә читләре (наличники) эшләүче кирәк. Казан, Вахитов районы. 89655886519 Ватсапка языгыз.
  • Сдаю однокомнатную квартиру в Радужный, Осиново т.89655938461,89375278107
  • Иномарка сатып алам.Бюджет 800-850мең.Тел.89178808466
  • Актаныш жалюзи все виды качественно(эйбэт)89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • КАЗАН ШЭХЭРЕНДЭ КАР КОРЭУ, ГРУЗЧИК, ГАЗЕЛЬ ХЕЗМЭТЕ КУРСЭТЭБЕЗ. 89196271171
  • требуется дворник,центр Казань, 89377734777, в день2-3 часа
  • ДВОРНИК ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар

 

 
 

 
Архив
 
16.05.2010 Икътисад

МИНЕМ КЫЗЫМ КИЯҮ КҮРГӘНМЕНИ?!

Халыкка кредит бирүне туктатырга мөмкиннәр. Моңа кадәр җаныбыз теләгән вакытта, кесәбездә бер тиен акча булмаса да, өйгә яңа суыткыч яки телевизор алып кайтып утырта ала идек. Хәзер исә түрәләр мондый иреккә чик куймакчы. Алар фикеренчә, безнең халык аягын юрганына карап суза белми.

Татарстанда яшәүчеләрнең генә дә банкларга 11 миллиард 509 миллион сум әҗәте бар. Россия финанслар министры урынбасары Сергей Сторчак фикеренчә, кибетләрдә кредит бирүне туктатмый торып әлеге бурычлардан котылып булмаячак. Хәзер кредит алуның бер кыенлыгы да юк бит. Әйтик, күршеңдәге кебек ике камералы суыткычның синең өйдә дә балкып утыруын телисең, тик моңа акчаң җитми икән, берәр супермаркетка барып, анда утыручы банк вәкиленә паспортыңны гына сузасы. Беркем дә синең күпме акча эшләвеңне, кредит бурычын кайтара алу-алмавыңны җентекләп тикшереп тормаячак.

 

Күптән түгел биш ел буе бер дә “кәҗәләнмичә” эшләгән телевизорыбыз начар күрсәтә башлагач, без дә яңа телевизор алмакчы булдык. Акча янчыгының такыр чагы, телевизорны кредитка алыйк дип килештек. Кибеттә ике банктан вәкилләр утыра. Берсеннән-берсе арттырып үз оешмаларын мактыйлар. Сукыр тавыкка бар да бодай дигәндәй, әллә ни сайланып тормыйча гына берсенең каршына барып утырдык. Кибет киштәсендә 8 мең сум торучы телевизор безгә 11 мең сумга төшәчәк икән. Банк хезмәткәре шулай дип аңлатты. Моңа кадәр кредит алган юк иде. Шуңа да, тәҗрибәсезлегебез белән, алты битлек килешүгә кул куеп, телевизорыбызны күтәреп кайтып киттек. Кайткач игътибар белән исәпләп карасак, без биш ай эчендә 11 мең түгел, 13 мең сум түләргә тиеш булып чыктык. Әле ярый әллә ни кыйммәт әйбер алмадык, юкса әҗәтлеләр исемлегенә без дә эләгәсе идек.

 

Мондый тәбегә кабучылар бер без генә түгел. Бу очракта гаеп кемдә: игътибарсыз сатып алучыдамы, әллә күрә торып алдаучы банктамы? Бер уйласаң, банк кредит алучының күпме арттырып түләячәген күрсәтә дә кебек. Ләкин зур итеп язылган процент ставкасы янында өстәмә түләүләр турындагы кечкенә хәрефләргә кем игътибар итсен?! Бәлки, халык акча тота белми, дип гади кулланучыларны сүккәнче, шул беркатлы сатып алучыларга чын дөреслекне ачып салмаган банкларның эшен тикшерергәдер?

 

“Күп очракта мин кулланучы ягында булам, – ди әҗәтлеләрдән акча кайтару белән шөгыльләнүче, соңгы вакытта күбәеп киткән коллектор оешмаларының берсендә эшләүче адвокат Олег Рәхимов. – Дөресен әйткәндә, бурычлыларның күп булуында банклар үзләре гаепле. Барлык очракларның 99,9 процентында банк кулланучыны алдаган яки дөресен әйтеп җиткермәгән була. Мин аларның ничек эшләвен яхшы беләм. Шуңа да кредит алганда аның күпмегә төшәсен үзем исәплим. Банк хезмәткәрләренең беркайчан да чын бәяне әйткәннәре юк әле. Әгәр алар барлык шартларны алдан ук аңлатсалар, кеше, минем бу бурычны кайтарырга көчем җитәрме, дип уйлар иде. Ә болай, әлбәттә, банклар әҗәтлеләрнең күплегеннән зарланып шыңшып йөри”.

 

Белгечләр әйтүенчә, кайбер банклар кредит алучыны товар бәясен 75 процентка кадәр арттырып түләргә мәҗбүр итә. Ягъни 100 мең сум урынына 175 мең сум кайтарырга туры килә. Тик кибеттә ел буе хыялланган кер юу машинасы каршында басып торганда бу хакта уйлыйсыңмыни?! Шуңа да кайбер түрәләр куллану кредитын бирүне бөтенләй тыярга түгел, сатып алучыга бераз “суынырга” вакыт бирергә генә тели.

 

Әйтик, сез әлеге дә баягы кер юу машинасын кредитка сатып алдыгыз, ди. Өегезгә кайтып, бер-ике көн үтүгә машинаның артык кыйммәткә төшәсен, бу кадәр акчаны түли алмаячагыгызны аңладыгыз, шәп машина күреп “кызган” күзләрдә моңсу уйчанлык барлыкка килде, куллар кесәдәге тиеннәрне саный башлады... Дәүләт Думасының Финанс базары комитетының банк бүлеге җитәкчесе Павел Медведев фикеренчә, мондый кешегә товарны кибеткә кире илтеп бирергә мөмкинлек тудырырга һәм моның өчен бер тиен дә штраф түләтмәскә кирәк. Әлбәттә, товарга зыян килмәгән очракта. Тик әлегә бездә мондый закон юк. Шуңа да кибеткә барганда үзегез белән калькулятор алырга онытмагыз.


Рамилә МОРАТОВА
Ватаным Татарстан
№ 90-92 | 15.05.2010
Ватаным Татарстан печать

Фикерләр

Исем:
E-mail:
Текст:
 
№4 (44276) / 18.05.2010 14:33:02

Бик акыллы бер дәүләт эшлеклесе:
- Кредит алудан курыкмаска кирәк, бөтен дөнья кредитка яши, - дигән иде.
Кредит хезмәт кешесен талауның бер ысулы гына. Дәүләт тә кредитка яшәсә күп югалта. Путин белән Кудринның хуплауга лаек эшләре - Ельцин командасы алып туздырган бурычларны ашыгыч рәвештә түләп бетерү булды.
Шомарган алыпсатарлар - очсызга алып кыйммәткә сата алучыларга бәлки файдасы бардыр.

№3 (44271) / 18.05.2010 13:41:14

яналык эйттем дип уйлыйсынмы инде. иптэш, Моратова?

№2 (44048) / 16.05.2010 15:04:48

Гөмергә бурычлы булырга яратмадым. Гөмүмән алганда, кредит алучының күбесе (барсы да түгел) \\\"Я хан, я ишәк, я мин үләм\\\" дигән принцп белән яши.
Безнең ил, безнең халык, безнең менталитет өчен фәкать ислам сестемасындагы баныклар гына ярашлы.

№1 (44042) / 16.05.2010 12:08:28

кредитка берни дә алганым юк. Әллә ни акыллы булмасам да шыр җүләр дә түгелмен!
безгә файдасы булса аны безгә тәкъдим дә итмәсләр иде.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar