|
|
Бүген кемнәр туган
|
|
Архив
|
13.05.2019 Мәдәният
Фәрит Бикчәнтәев Санкт-Петербургта театр олимпиадасына багышлаган матбугат конференциясендә катнаша15 майда 16.30 сәгатьтә Санкт-Петербург ТАСС мәгълүмат агентлыгының матбугат үзәгендә (Шпалерная ур., 37 А) Россиядә үтәчәк Халыкара театр олимпиадасы 2019га багышланган беренче матбугат конференциясе үткәрелә. Конференциядә Россия Федерациясе мәдәният министры Владимир Ростиславович Мединский, Александринский театрының сәнгать җитәкчесе, Халыкара театр олимпиадасының оештыру комитеты әгъзасы Валерий Владимирович Фокин, Санкт-Петербургның вице-губернаторы Владимир Владимирович Кириллов һәм Г.Камал исемендәге Татар дәүләт Академия театрының баш режиссеры Фәрит Рәфкать улы Бикчәнтәев катнаша. Матбугат конференциясендә видео элемтә буенча да катнашучылар булачак: Театр олимпиадасы Халыкара комитеты рәисе Теодорос Терзопулос, композитор, режиссер, педагог Хайнер Гёббельс (Германия), режиссер, Театр олимпиадасы Халыкара комитеты әгъзасы Роберт Уилсон (АКШ).
Матбугат конференциясендә Театр олимпиадалары хәрәкәтенең идеологиясе һәм практикасы тәкъдим ителәчәк, Россиядә үтүче Халыкара театр олимпиадасы 2019-ны оештыру үзенчәлекләренә басым ясалачак, әлеге масштаб фестивальнең төп вакыйгалары яктыртылачак. Халыкара театр олимпиадасының рәсми ачылышы 2019 елның 15 июнендә Санкт-Петербургта үтә. Фәрит Рәфкать улы Бикчәнтәев Олимпиада кысаларында үтәчәк Россия милли театрларының гастрольләр программасы хакында сөйләячәк.
Алданрак билгеле булганча, 2019 елның 11 һәм 12 октябрендә Г.Камал исемендәге Татар дәүләт Академия театры (Казан ш.) Театр олимпиадасында Россия милли театрлары программасын ачып җибәрәчәк. Тамашачылар Камал театрының баш режиссеры, Россиянең һәм Татарстанның атказанган сәнгать эшлеклесе Фәрит Бикчәнтәевнең Аяз Гыйләҗев пьесасы буенча куелган "Әтәч менгән читәнгә" спектаклен күрә алачак. Спектакль Александринский театры (Санкт-Петербург ш.) сәхнәсендә уйнала.
Театр олимпиадасы 2019 — зур фестиваль - төрле илләрдән килгән театр эшлеклеләренең аралашу, тәҗрибә уртаклашу мәйданы. Фестиваль кысаларында иң яхшы чит ил театрларының, Россия милли театрларының гастрольләре һәм әйдәп баручы театр эшлеклеләренең мастер-класслары үтә. Санкт-Петербургта үтәчәк Олимпиадада 15 илдән килгән театрлар 30дан артык спектакль тәкъдим итәчәк. Камал театрыннан тыш милли театрлар программасында Бурятия, Якутии, Чечня, Карелия һәм Башкортостан театрлары бар.
--- |
Иң күп укылган
|